ვიდეომ, რომელშიც ასახულია თუ როგორ ეთაყვანებიან ღმერთს ბრაზილიელი პოლიციელები, რთული ოპერაციის შემდეგ, სადაც მათი თანამშრომლები დაიღუპნენ, დააგროვა 3,7 მლნ–ზე მეტი ნახვა.

შაბათს, 19 ნოემბერს, ჩამოვარდა სამხედრო პოლიციის ვერტმფრენი, რომელიც უზრუნველყოფდა ოპერაციის საჰაერო მხარდაჭერას. ავიაკატასტროფა მოხდა შტატ რიო დეჟანეიროს სამხრეთ–დასავლეთ ნაწილში, ქალაქ სიდადე–დე–დუშ–ის ტერიტორიაზე. კატასტროფის შედეგად დაიღუპა 4 პოლიციელი.

სამხედრო პოლიციის დეპარტამენტის ლეიტენანტმა, გილერმე დერიტომ, თავის facebook-ის გვერდზე გააზიარა ვიდეო, რომელზეც ასახულია, თუ როგორ უგალობენ  ღმერთს მისი თანამშრომლები. "ასეთი დიდი დანაკარგებისას, ჩვენმა მეგობრებმა უფლის განდიდებასა და თაყვანისცემაში იპოვეს ძალა გაეგრძელებინათ თავიანთი საქმე" – წერს ლეიტენანტი. ვიდეოში ფორმიანი პოლიციელები, სამსახურებო მანქანების გარემოცვაში, დგანან ჩახუტებულები და პორტუგალიურად გალობენ ცნობილი ბენდის (ჯგუფის) "Hillsong United"-ის სიმღერას (საგალობელს) .

ვიდეო 21 ნოემბერს გამოქვეყნდა და უკვე მოასწრო Youtbe-ზე 3,7 მილიონი ნახვის და Facebook-ზე 98 000 გაზიარების მოგროვება. ბრაზილიური გამომცემლობა Canal Gama წერს: „ჩვენს ქვეყანაში პოლიციელები სერიოზულ კრიზისს განიცდიან, მათი სიცოცხლე ყოველდღიურად საფრთხის წინაშე დგას, გარდა ამისა მათ ხშირად, ხანგრძლივი ვადით უგვიანებენ ხელფასებს. მიუხედავად ამ ყველაფრისა, პოლიციელები დადებული ფიცის ერთგულებად რჩებიან. ბოლო დროს შეინიშნება პოლიციელების მოქცევა ღმერთისკენ. ისინი ღმერთში ხედავენ საკუთარი ძალების წყაროს, და სწამთ მისი მფარველობის.“

თარგმანი: მარიამ ბობოხიძე

საგალობლის მისამღერი ქართულ ენაზე: "თუნდაც ოკეანეები ღელავდნენ და ჭექა-ქუხილი იყოს, მე მაინც ვინავარდებ შენში, შენ მეფობ ყველა სტიქიაზე და მე მუდამ მემახსოვრება რომ შენ ხარ მამა"

ორიგინალი:

პარასკევს, 25 ნოემბერს, ისრაელში ტყის ხანძართან ბრძოლის ახალი ფაზა დაიწყო. ისრაელის, საბერძნეთისა და ხორვატიის სახანძრო ავიაციას, ხანძრის ჩაქრობისათვის შეუერთდნენ თვითმფრინავები რუსეთიდან, უკრაინიდან, თურქეთიდან, იტალიიდან, საფრანგეთიდან, აზერბაიჯანიდან, დიდი ბრიტანეთიდან და კვიპროსიდან.

რუსეთმა ისრაელს ცეცხლის ჩასაქრობად ორი "ამფიბია" თვითმფრინავი გაუგზავნა "ბ_200", თითოეულს ზღვიდან 12 ტონა წყლის აღება შეუძლია.

ხანძრის ჩასაქრობად და დაზარალებულთა დასახმარებლად მობილიზებული და საქმეში ჩართულია ისრაელის მთელი სახანძრო რაზმი, განსაკუთრებულ რეჟიმში მუშაობენ პოლიციელები, რომელთაც დახმარებას უწევს სასწრაფო დახმარების ჯგუფი "მაგენ დავიდ ადომი" და "კერენ კაემეტ ლე ისრაელი", ასევე ფონდები სამინისტროსთან ერთად და სამთავრობო ჯგუფები.

პარასკევს, 25 ნოემბერს, დილით მეტეოროლოგმა ხანუმ იუდოვოჩმა გამოაცხადა, რომ 30 ნოემბრამდე ისრაელში წვიმა არ არის მოსალოდნელი. ხუთშაბათს, ძლიერმა ხანძარმა დიდი ზიანი მიაყენა საცხოვრებელ ბინებსა და საზოგადოებრივ შენობებს, ინფრასტრუქტურას, კერძო და საზოგადო ტრანსპორტს ხაიფაში. დაშავდა 100-ზე მეტი ადამიანი (20 მათგანი საავადმყოფოში რჩებოდა პარასკევ დილამდე).  ქალაქში მცხოვრები დაახლოებით 75 000 ადამიანი ევაკუაცია განხორციელდა. 2000 ოჯახი კი, რომლებიც სახლებში დარჩნენ, პარასკევამდე არ მიეწოდებოდათ ელექტროენერგია.

მიუხედავად ყველა ამ ძალისხმევისა, ტყის ხანძრის ჩაქრობა ჯერ კიდევ ვერ ხერხდება. 25 ნოემბერს, ღამით წარმოიქმნა რამდენიმე ახალი კერა "ნაცერეტის" რაიონში, "ბეიტშემეშას" და იერუსალიმის ახლოს. ხაიფის რაიონში კი ხანძრის ახალ კერაზე ცნობები არ მოიპოვება. ისრაელის პრემიერ-მინისტრი ბენიამინ ნათანიაჰუ და შინაგანი უსაფრთხოების მინისტრი გილად ერდანი, ასევე შინაგან საქმეთა მინისტრი არე დერი და სხვა სამინისტროების ხელმძღვანელები აცხადებენ, რომ ტყეში გაჩენილი ხანძარი ნაწილობრივ მიზანმიმართულად იყო მოწყობილი ბოროტმოქმედების მიერ, რომელთა ქმედებაც ებრაელი ერისადმი სიძულვილით იყო გამოწვეული. ეს ინფორმაცია გამოძიებას ექვემდებარება და მისით უკვე დაკავდა პოლიცია და საყოველთაო დაცვის სამსახური (შაბაკი).
 

თარგმანი: ია კარგარეთელი

წყარო

რაბინების მოწინავე  ჯგუფმა ისრაელიდან დახმარების თხოვნით მიმართა რუსეთის პრეზიდენტს – ვლადიმერ პუტინსა და ამერიკის ახალ პრეზიდენტ – დონალდ ტრამპს, იერუსალიმის  მესამე ტაძრის აშენებასთან დაკავშირებით.

რა თქმა უნდა, ტაძარი აშენდება ტაძრის მთაზე, მას მეორენაირად მორიის მთასაც უწოდებენ, რომელიც მსოფლიოში ყველაზე „პოლიტიკურად დამუხტული“ უძრავი ქონების ნაწილად ითვლება და ძალუძს გამოიწვიოს კონფლიქტური აფეთქება. ქრისტიანებს სჯერათ, რომ ტაძრის  მთა გახდება ეპიცენტრი ბოლო ჟამს დატრიალებული მოვლენებისა, რომელიც იქნება ქრისტეს მეორედ მოსვლის მაუწყებელი.

„პოლიტიკური ვითარება, როდესაც მსოფლიოს ორი მოწინავე ქვეყნის პრეზიდენტი მხარს უჭერს ებრაელთა უფლებებს იერუსალიმზე და მათ სულიერ მემკვიდრეობას, ისტორიულად უპრეცედენტოა.“ – აღნიშნა პროფესორმა რაბი ჰილერ უეისმა  “Israel National News”-თან ინტერვიუში.

რაბი უეისი „Sanhedrin”-ის ინიციატიური ჯგუფის  წარმომადგენელია, რომელიც დაკავებულია  მესამე ტაძრის აშენების საკითხით.

ამ ჯგუფმა წერილი გაუგზავნა ტრამპსა და პუტინს, რათა მხარი დაეჭირათ მათი პროექტისთვის, რომელიც, მათი თქმით სასიკეთო იქნება მთელი მსოფლიოსთვის.

მოკლედ რომ ვთქვათ,  უეისი გვარწმუნებს, რომ ისრაელი „მზად არის ააშენოს მესამე ტაძარი“ მათი დახმარებით, ან დახმარების გარეშე.

ისლამი გვასწავლის, რომ ალაჰმა როდესაც დაასრულა ყოველივეს შექმნა, ამაღლდა ზეცად ტაძრის მთიდან. ამავე მთაზე ისლამის მნიშვნელოვნებით მესამე საწმიდარი მდებარეობს, ალ-აკსას მეჩეთი.

იუდაიზმი ასწავლის, რომ აბრაამი, რომელიც მორჩილი იყო ღვთისა, მზად იყო სწორედ ამ მთაზე  ღმერთისთვის შეეწირა ერთადერთი ძე, ისააკი, მაგრამ ღმერთმა უკანასკნელ წუთს გამოაჩინა „ჩამანაცვლებელი“ მსხვერპლი – ვაცი. შემდგომ მეფე დავითმა ამ მთაზე მიწა იყიდა  და აშენდა პირველი ტაძარი.

„ბიბლია წინასწარმეტყველებს, რომ მესამე ტაძარი აშენდება“ – აღნიშნავს დონ სტიუარტი და ჩაკ მისლერი თავის წიგნში „მომავალი ტაძარი“ (The Coming Temple).- ამას მოყვება უამრავი დრამატული მოვლენა, რომელთა კულმინაციაც იესო ქრისტეს მეორედ მოსვლა იქნება.“

„ეს წმიდა ნაჭერი გახდება მომავალი მოვლენების ცენტრი ჩვენს პლანეტაზე.“

 თარგმანი: ია კარგარეთელი
წყარო

მსახიობი და რეჟისორი მელ გიბსონი ამჟამად თავისი ახალი ფილმის „Hacksaw Ridge“ პოპულარიზაციითაა დაკავებული, რომელიც ფართო ეკრანებზე პარასკევიდან გამოვა.

ფილმი დაფუძნებულია დესმონ დოსის რეალურ ცხოვრებაზე, ის იყო ექიმი, რომელიც   მეორე მსოფლიო ომში იღებდა მონაწილეობას და რომელმაც ქრისტიანული რწმენის გამო უარი განაცხადა იარაღის ტარებაზე.

მიუხედავად დაცინვისა და ჯარიდან თითქმის გამოგდებისა, დოსმა მაინც შეძლო, რომ მომსახურებოდა ახალგაზრდა ჯარისკაცებს და უამრავი ადამიანის სიცოცხლე იხსნა ბრძოლის ველზე.  ის იყო ერთადერთი ადამიანი , რომელმაც რელიგიური მოტივების გამო უარი თქვა იარაღის ტარებაზე და რომელიც ღირსების მედალით დაჯილდოვდა.

„როდესაც მე წავიკითხე სცენარი და დავინახე ვინმე დესმონ დოსის მსგავსი ადამიანი, ძალაუნებურად გავაცნობიერე თუ რაოდენ მწირი იყო ჩემი რწმენა “, უთხრა გიბსონმა ვენდი გრიფიტს ინტერვიუს დროს, როდესაც ვენდისმა კითხა, თუ რა ზეგავლენა მოახდინა ფილმმა და არჩეულმა როლმა მის პირად რწმენაზე.

„წარმოიდგინეთ, რომ მას შეეძლო შესულიყო მტრის ცეცხლში, რათა გადაერჩინა ადამიანის სიცოცხლე, არ ვიცი შევძლებდი თუ არა მე ამას“  განაგრძო მან „მე უბრალოდ ამის გაფიქრების დროსაც კი იარაღი დამჭირდებოდა“.

მელ გიბსონმა ასევე ისაუბრა თავის „წვერზე“ და „ქრისტეს ვნებანი“-ს გაგრძელებაზე.

სრული ინტერვიუ

იხილეთ ფილმის ტრეილერი :

თარგმანი: მარიამ კახიაშვილი

„ჩვენ არ გვაქვს არც ფული,არც თავისუფლება, მაგრამ გვყავს ქრისტე – ეს ჩვენთვის საკმარისია!“

ისინი იმდენს არ ლოცულობენ  რელიგიურ  თავისუფლებაზე  თავიანთ  ქვეყანაში,  რამდენსაც ამერიკაში  მცხოვრებ  და-ძმებზე,  რომლებიც ფულში ცვლიან საკუთარ რწმენას.

ერთ-ერთი ორგანიზაცია, რომელიც  ცდილობდა  დახმარებოდა  ჩრდილოეთ  კორეაში  მცხოვრებ ქრისტიანებს, რომლებიც  იდევნებოდნენ  ქრისტიანული  სარწმუნოების გამო,  აცხადებს, რომ მრავალი  კორეელი  მორწმუნე  უფრო  მეტად  ამერიკაში  მცხოვრებ  ქრისტიანებზე  ლოცულობდა,  ვიდრე  საკუთარ თავისუფლებაზე.

ერიკ ფოლმა- მისია „კორეელ  წამებულთა  ხმის“  (Voice of the Martyrs Korea) ხელმძღვანელმა  ჩრდილოეთ კორეელ ქრისტიანებთან საუბრის შემდეგ  განაცხადა,რომ ჩრდილოეთ კორეაში მცხოვრები ქრისტიანები არ ლოცულობენ  თავიანთ ქვეყანაში არსებული რეჟიმის დამხობაზე.

„ისინი არ ლოცულობენ ფულზე ან თავისუფლებაზე. ისინი სთხოვენ უფალს, რომ უფრო მეტად განასახიერონ ქრისტე თავიანთი ცხოვრებით.“- ამოწმებს ერიკი.

მისიის  “International Christian Concern” თანამშრომლები ამატებენ, რომ ჩრდილოეთ კორეაში (ქვეყანაში, სადაც რელიგია კანოგარეშედ ცხადდება) მცხოვრები ბევრი ქრისტიანის ცხოვრება იმაზე მეტად საშინელია, ვიდრე ჩვენ ამას წარმოვიდგენთ. მათ დევნიან, ყრიან საპყრობილეებში და კლავენ. ერთ-ერთმა ქრისტიანმა, რომელმაც შეძლო ჩრდილოეთ კორეიდან გამოღწევა, თქვა: ,,თქვენ ლოცულობთ ჩვენთვის? ეს ჩვენ ვლოცულობთ თქვენთვის.. თქვენ გაქვთ იმდენი რამ, რომ ხშირად რწმენას ნივთებზე და ფულზე ცვლით. ჩრდილოეთ კორეაში ჩვენ არ გვაქვს არც ფული და არც თავისუფლება, მაგრამ ჩვენ გვყავს ქრისტე. ჩვენთვის ეს საკმარისია!“

ეს მოხსენება  სასტიკი დევნისა და ტანჯვის მრავალ მაგალითს მოიცავს, რომელსაც განიცდიან კიმ ჩემ ინის რეჟიმში მცხოვრებნი.

„მიზეზი იმისა, რის გამოც ჩრდილოეთ კორეას ასე ეშინია ქრისტიანობის, არის ის, რომ ქრისტიანობას მომენტალურად ძალუძს ამხილოს ჩუჩხეს რეჟიმის მთელი სიყალბე. ამიტომ ქრისტიანობას უყურეფენ, როგორც დივერსიულ იდეოლოგიას – ის ხომ სულ სხვა ფასეულობებსა და აზროვნებას გვთავაზობს, ასევე სხვა ცხოვრებისეულ მიზნებს,“-განმარტავს ფოლი.

შემდგომ ის დასძენს, რომ არ არის აუცილებელი დასავლეთელი ქრისტიანებისგან ჩრ.კორეელ ქრისტიანთა  გათავისუფლებაზე ლოცვა. საკმარისია, მათ ილოცონ იმაზე, რომ ღმერთმა ჩრდილოეთ კორეაში მყოფ ქრისტიანებს მისცეს სიმტკიცე და სიმამაცე ამ საშინელი დევნების დროს.

„ეს იმიტომ, რომ ჩვენ, ამერიკელ ქრისტიანებს, არ გვყოფნის ჭეშმარიტი ბედნიერება, რადგან ბედნიერება არც ფულშია და არც თავისუფლებაში“,-დაამატა ფოლმა.

„არის ერთი სხეული ქრისტესი. არ არსებობს „ კორეის დევნილი ეკლესია“ და „ამერიკის თავისუფალი ეკლესია“, არსებობს მხოლოდ ერთი სხეული და ჩვენ მოწოდებულნი ვართ, დავეხმაროთ უღელქვეშ მყოფთ – თითქოს ჩვენ თავად ვიმყოფებოდეთ მათ შორის.

რამდენიმე უფლებადამცველმა ორგანიზაცამ, ისეთებმა როგორიცაა, ბრიტანული იურიდიული ცენტრი “Christian Solidarity Worldwide”, წარმოადგინეს მეტი მტკიცებულება იმის შესახებ,თუ რას გადიან ჩრ. კორეაში მცხოვრები მორწმუნეები.  სექტემბერში წარდგენილ ფაქტებში ასევე ნათქვამი იყო, რომ ზოგიერთ მორწმუნეს ტანკით უვლიდნენ, სხვებს ჯვარზე აკრავდნენ და წვავდნენ. ეს მხოლოდ რამდენიმე მაგალითია იმ ცხოველური მოპყრობისა, რომელთაც ამ ქვეყანაში მცხოვრები ქრისტიანები განიცდიან.

ასევე, განმარტავენ: "პოლიტიკა" – " დამნაშავე იმის გამო, რომ დამნაშავესთან აქვს შეხება", გულისხმობს იმას, რომ იდევნებიან ისინიც, ვინც კორეელ ქრისტიანებს ნათესავად ერგებიან და მნიშვნელობა არ აქვს, ისინი თავად არიან მორწმუნენი თუ არა.“

სიუზენ შოლტე-ჩრდილოეთ კოალიციის წარმომადგენელი და ჩრ. კორეის ხალხთა უფლებების დაცვის ამერიკული კომიტეტის ვიცე-პრეზიდენტი  “Christian Post”-თან ინტერვიუში ამბობს: „ამ მოხსენებაში ჩვენ ზუსტად გადმოგცემთ იმას, რისი ატანაც უწევთ ჩრ. კორეის ქრისტიანებს.“ მან ასევე განაცხადა თავის ურთიერთობაზე ჩრ. კორეიდან გამოქცეულ ქრისტიანებთან, რომელთაც დაადასტურეს ყველა ეს ისტორია.

თარგმანი: ია კარგარეთელი
რედაქტირება: ნინი გელაშვილი

წყარო

ერთსქესიანთა ოჯახში ბავშვების აღზრდასთან დაკავშირებით გამოთქმული უარყოფითი შეხედულების გამო, ბრიტანელ წყვილს ორი ბავშვის შვილად აყვანაზე უარი ეთქვათ. მათ განაცხადეს, რომ ამით დაირღვა სიტყვისა და გამოხატვის თავისუფლების უფლება.

წყვილმა მიიღო უარი შვილად აყვანაზე მას შემდეგ, რაც განაცხადა, რომ „ბავშვს ესაჭიროება, როგორც დედა, ასევე მამა“.

მათ გაასაჩივრეს ეს გადაწყვეტილება და აღნიშნეს რომ, იგი არ ემსახურება ბავშვების ინტერესებს.

შვილად აყვანის  საბჭო სამშაბათს განიხილავს აღნიშნულ საკითხს.

წლის დასაწყისში ბავშვები დროებით იზრდებოდნენ მიმღებ ოჯახში. ქრისტიანმა წყვილმა იცოდა, რომ სახელმწიფო ბავშვებისთვის ეძებდა მშვილებელ ოჯახს. როცა მათთვის ცნობილი გახდა, რომ პოტენციური მშობელი შეიძლება ყოფილიყო – ერთსქესიანი წყვილი, მიმღებმა ოჯახმა გადაწყვიტა ბავშვები თვითონ ეშვილათ.

„ჩვენ ვერ წარმოვიდგენდით, რომ ბავშვებზე იზრუნებდა ორი მამაკაცი," – განაცხადა ქალმა, რომელსაც სურს ბავშვების შვილად აყვანა   BBC-ის  წამყვან პროგრამაში, ვიქტორია დერბიშირთან ერთად.

არ აქვს მნიშვნელობა ბავშვი ბიჭია თუ გოგო, ის ეძებს ქცევის მოდელს. ჩვენთვის საუკეთესო ოჯახის სისტემა არის – დედა და მამა. ერთსქესიანი წყვილი – შეიძლება მიმზიდველია, მათ სურთ გახდნენ მშობლები, შეიძლება აქვთ მეტი შესაძლებლობა, მაგრამ მე ვგრძნობ, რომ ჩვენ უფლებებს რელიგიური შეხედულებების გამო ზღუდავენ – დასძინა ქალმა.

ქალბატონის თქმით საბჭო მიზნად ისახავდა  ერთსქესიანი წყვილების განაცხადის დაკმაყოფილებას  და „არ ითვალისწინებდა ბავშვების კეთილდღეობას“.

წყვილი, რომელიც თავს არ თვლის ჰომოფობად აღნიშნეს, რომ შვილად აყვანის საბჭომ თავიდანვე იცოდა მათი რელიგიური შეხედულების შესახებ.

2014-2015 წლებში ერთსქესიანთა წყვილებმა იშვილეს:  ინგლისი- 450 ბავშვი,  უელსი-30, შოტლანდია -22.

თარგმანი: მარიამ უზუნაშვილი
რედაქტირება: ანუკი გელაშვილი

წყარო

8 ნოემბერს აშშ-ის საპრეზიდენტო არჩევნებში რესპუბლიკელების კანდიდატმა დონალდ ტრამპმა გაიმარჯვა. ცნობილმა მილიარდელმა აუცილებელი 270 ხმიდან დააგროვა 276.

ჯერ კიდევ წინასაარჩევნო კამპანიის დასაწყისში ტრამპი ცდილობდა მიეღო ამერიკის ევანგელისტური ქრისტიანების მხარდაჭერა. ის სასტუმრო „მერიოტ მარკი“-ში დახურულ შეხვედრაზე ასობით გავლენიან მსახურს  შეხვდა. დღის განმავლობაში პოლიტიკოსი საუბრობდა რელიგიის თავისუფლების დაცვაზე, თანამედროვე ეკლესიის მთავარ გამოწვევებზე.

 წლის განმავლობაში დონალდ ტრამპი ამომრჩეველთა წინაშე გამოსვლებში არაერთხელ ,აღიარებდა, რომ არის პროტესტანტი და აპირებს ქვეყანაში, ქრისტიანებს დაუბრუნოს პოლიტიკური გავლენა. მან თქვა რომ, როგორც პრეზიდენტი შეეცდება დაუბრუნოს აშშ-ის საზოგადოებას ქრისტიანული ღირებულებები.

„თუ მე გავხდები პრეზიდენტი, მაშინ ამერიკაში ქრისტიანობას ექნება ძალა“-ის ამბობდა დებატების დროს.

ტრამპი აგრეთვე ამბობდა, რომ აპირებს გახდეს ქრისტიანების დამცველი ახლო აღმოსავლეთში, შეამცირებს მუსლიმთა ემიგრაციას ამერიკის შეერთებულ შტატებში და აკრძალავს  აბორტსა და ერთსქესიანთა ქორწინებას.

მაისში CBN ახალ ამბებში გამოსვლისას ტრამპმა თქვა: „მე ვიქნები ქრისტიანების ყველაზე დიდი წარმომადგენელი“.

რა თქმა უნდა, ჭეშმარიტი ღვთის რწმენის შეფასება შეუძლებელია გარეგნული მახასიათებლებით. საბოლოო შედეგი გამოჩნდება მაშინ, როდესაც ყველა დაპირება განხორციელებული იქნება მომავალში. ზოგიერთმა ქრისტიანელმა ლიდერმა აღნიშნა, რომ ორი ლიდერი პრეზიდენტობის კანდიდატიდან ჰილარი კლინტონი და დონალდ ტრამპი აირჩიეს „ნაკლებად ბოროტი“.

მიუხედავად ამისა ამერიკის საპრეზიდენტო არჩევნებში ტრამპის გამარჯვება განიხილება, როგორც ქრისტიანთა გამარჯვება. სხვა კანდიდატებთან შედარებით ტრამპი ყველაზე ახლოსაა ქრისტიანებთან. 

რიკ ჯოინერი –  ცნობილი მქადაგებელი: „ტრამპი პრეზიდენტია! ეს ღვთის დამსახურებაა. დიდი მადლობა ნდობისთვის, არჩევნებში მონაწილეობისთვის, იმ რთული სამუშაოსთვის , რომელიც გაწიეთ. მაგრამ ახლა იწყება რეალური სამუშაო. ღმერთმა მოგვცა წყალობა და დრო . ახლა არ არის დასვენების დრო. ჩვენ ვიქნებით იგივე ან უარეს მდგომარეობაში თუ ამერიკაში არ დაიწყება დიდი გამოღვიძება“.

კენეტ კოუპლენდი– ავტორიტეტული ბიბლიის მასწავლებელი: „თქვენ იმედგაცრუებული ხართ არჩევნების შედეგებით? იმან მოიგო, ვისაც ხმა არ მიეცით? თქვენთვის მაქვს სიახლე ამ ქვეყნის ბედი არ არის დამოკიდებული პოლიტიკოსებზე, სანამ ქრისტიანები ლოცულობენ საკუთარ ერზე და ეძებენ ღმერთს შეერთებული შტატების ბედი იქნება საიმედო ღვთის ხელში. ის თვითონ უხელმძღვანელებს, გაუძღვება და განკურნავს ამ მიწას“.

რიკ რენერი – მწყემსი, ბიბლიის ცნობილი მასწავლებელი: „არჩევნების დღე დასრულდა და მე მადლობელი ვარ, რომ ვიცი იესო ჯერ კიდევ ზის ტახტზე „ყველა მთავრობაზე, ხელმწიფებაზე, ძალზე, უფლებაზე და ყოველივე სახელზე მაღლა…“( ეფეს. 1:21). «…»  არჩევნები დასრულდა, მაგრამ ახლა ეკლესიამ უნდა აიღოს პასუხისმგებლობა და ილოცოს ახლად არჩეულ პრეზიდენტსა და იმათზე, რომლებიც დაეხმარებიან ქვეყნის მართვაში“.

ფრანკლინ გრემი – ევანგელისტი, ასოციაცია ბილი გრემის პრეზიდენტი: „წუხელ ბევრი ადამიანისთვის იყო ნამდვილი სიურპრიზი! პოლიტიკური კრიზისის პერიოდში ამერიკის საზოგადოებამ ქვეყნის მმართველად აირჩია ტრამპი.  «…» ახლა დროა გავერთიანდეთ და ერთობლივი ძალებით ვიმუშაოთ. ჩვენს ქვეყანაში არის ბევრი პრობლემა, რომელიც უნდა გამოსწორდეს. ყველაზე მნიშვნელოვანი – სულიერი მოთხოვნილებები.  არ აქვს მნიშვნელობა ღარიბი იქნები თუ მდიდარი ქრისტეს გარეშე იქნები ყველაზე უბედური. ერთი რამის თქმა შემიძლია დარწმუნებით, ვეთანხმებით თუ არა მათ, ჩვენ ყოველდღე უნდა ვილოცოთ პრეზიდენტზე, ვიცე-პრეზიდენტსა და სხვა ლიდერებზე, მათ სჭირდებათ ღმერთის ხელმძღვანელობა“.

ჯონ ბივერი – ბიბლიის ცნობილი მასწავლებელი: „მე არ ვიწონებ რომელიმე კანდიდატს, თუმცა მნიშვნელოვანია, რომ ქრისტიანთა ხმა იყოს შესმენილი. «…» ჩვენამდე არსებული ქრისტიანები ხმის მიცემისთვის იბრძოდნენ. ისინი რწმენის გამო  განიცდიდნენ ხელისუფლების მხრიდან შევიწროებას.  საბოლოოდ პრეზიდენტი აკეთებს არჩევანს ეკლესიის სასარგებლოდ ან საწინააღმდეგოდ“.

პოლ ზინკი – ეპისკოპოსი, იონგი ჩოს საერთაშორისო ეკლესიის ზრდის დირექტორთა საბჭოს წევრი: „ეს არ არის მხოლოდ ამერიკის არჩევანი, ჩვენ მთელი მსოფლიო გვიყურებს. გახსოვდეთ, ყველაფერი ღვთის ხელთაა. ჩვენ უნდა ვთხოვოთ ღმერთს, რომ აღსრულდეს მისი ნება ჩვენს ქვეყანაში. ქრისტიანთა ლოცვის წყალობით ღმერთს შეუძლია შეცვალოს ჩვენი ერის ისტორია.

დონალდ ტრამპი სიტყვით გამოვიდა მხარდამჭერთა წინაშე ნიუ იორკის შტაბ ბინაში . შეერთებული შტატების ახალმა პრეზიდენტმა მიიღო მილოცვები სახელმწიფოს მმართველებისგან და პოლიტიკოსებისგან.

ამერიკის პრეზიდენტის მოვალეობის შესრულებას დონალდ ტრამპი ინაუგურაციის ცერემონიის შემდეგ შეუდგება, რომელიც გაიმართება 2017 წლის 20 იანვარს.

თარგმანი: მარიამ უზუნაშვილი

სულთმოფენობა ქრისტიანული სამყაროს უდიდესი დღესასწაულია, სულიწმიდის გადმოღვრა არის მოწმობა იმისა, რომ უფალი ჩვენთან არს წუთისოფლის აღსასრულამდე.

19 ივნისს 16:00 საათზე, გეპატიჟებით სულთმოფენობის დღისადმი მიძღვნილ ღონისძიებაზე.

ერთად ვიზეიმოთ სულიწმიდის გადმოღვრის დღესასწაული!

საქართველოს სახარების რწმენის ეკლესია
თორნიკე ერისთავის #1