სიტყვებით რომლითაც თქვენ იცდებით ჭეშმარიტია!
თუ ნებას დართავთ ისინი შეცვლიან თქვენ ცხოვრებას.
რადგან ისინი ღმერთის გულის სიღრმიდან მოდიან

მას უყვარხარ შენ!

და ის არის მამა, რომელსაც მთელი ცხოვრების განმავლობაში ეძებ.
ეს არის მისი სიყვარულის წერილი შენს მიმართ…

 

ვაშინგტონში აბორტის საწინააღმდეგო ყოველწლიურ აქციაზე, პარასკევს ათიათასობით ადამიანი შეიკრიბა, რომელიც  მას შემდეგ იმართება, რაც 1973 წელს, აშშ-ს უზენაესმა სასამართლომ  ორსულობის ხელოვნური შეწყვეტა დააკანონა.

"მარში სიცოცხლისთვის" აბორტის მოწინააღმდეგეთათვის მსოფლიოში უმსხვილეს აქციად ითვლება, რომელშიც პირველად მიიღო  მონაწილეობა აშშ-ის ვიცე-პრეზიდენტმა.  როგორც ცნობილია, მაიკ პენსი  კონსერვატიული ღირებულებების მხარდამჭერი და აბორტის მოწინააღმდეგეა. მან აქციის მონაწილეებთან მიმართვაში განაცხადა, რომ აბორტის საწინააღმდეგო მოძრაობისთვის  "ისტორიული მომენტი" დადგა.

"დღეს აქ  სამი თაობაა შეკრებილი, თქვენი და სხვა მრავალი ხალხის წყალობით, რომლებმაც აქციაში  ჩვენთან ერთად მიიღეს მონაწილეობა, ამერიკაში სიცოცხლემ კვლავ გაიმარჯვა", – განაცხადა მაიკ პენსმა.

 აქციის მონაწილეებმა პრეზიდენტის მხარდაჭერა მიიღეს.

წარსულში, დონალდ ტრამპი ამბობდა, რომ ქალებს აქვთ აბორტის უფლება, მაგრამ საარჩევნო კამპანიის დროს განაცხადა, რომ მისი შეხედულებები ამ საკითხთან დაკავშირებით "განვითარდა".

"მარში სიცოცხლისთვის" აქტივისტები იმედოვნებენ, რომ ტრამპი შეერთებულ შტატებში აბორტის აკრძალვის განკარგულებას ხელს მოაწერს.

თარგმანი: მარიამ უზუნაშვილი

რედაქტირება: ანუკი გელაშვილი

წყარო

29 დეკემბერს, თბილისის სახარების რწმენის ეკლესიის საქველმოქმედო ჯგუფმა გლდანის მე-200 სკოლა-პანსიონში შეზღუდული შესაძლებობების მქონე ბავშვები მოინახულა. მათ სკოლა-პანსიონის აღსაზრდელებს მიულოცეს შობა-ახალი წელი და ბავშვების წინაშე გასართობი პროგრამით წარსდგნენ. ღონისძიების ფარგლებში ,, აჩუქე იმედი ” 60 ბავშვს გადაეცა საახალწლო საჩუქრები.
სახარების რწმენის ეკლესიას მსგავსი ფორმატის არაერთი აქტივობა აქვს განხორციელებული და მომავალშიც აქტიურად გეგმავს აღნიშნული საქველმოქმედო საქმიანობის გაგრძელებას.

12 და 13 იანვარს საქართველოს სახარების რწმენის ეკლესიაში საახალწლო ნაძვის ხის, რიგით მეექვსე, ზეიმი გაიმართა .ღონისძიება ორას ოთხმოც, 0-დან 13 წლამდე, ბავშვს   მასპინძლობდა, მათ შორის იყვნენ სოციალურად დაუცველი და შეზღუდულ შესაძლებლობათა მქონე ბავშვები. ნაძვის ხის ზეიმს ორგანიზებას უწევდა საკვირაო სკოლისა და ახალგაზრდული მსახურების გუნდი. რომელმაც ბავშვებს შესთავაზა ზღაპრული გარემო და დაუვიწყარი გასართობი პროგრამა.

ვულოცავ  ყველა ქრისტიანს  ქრისტეს შობას. წმინდა წერილში ქრისტეს შობამდე ასწლეულობით ადრე დაიწერა სიტყვები, რომლებიც სიტყვა სიტყვით აღსრულდა. ეს სიტყვები  მის სასწაულებრივ შობას, ცხოვრებას, მის მიერ მოხდენილ სასწაულებს,  სიკვდილსა და აღდგომას გვამცნობდნენ.

 თუ გაესაუბრებით ნებისმიერი აღმსარებლობის ადამიანს, რომელიც  ისტორიაში ცოტა მაინც არის გათვითცნობიერებული, ის  აუცილებლად აღნიშნავს, რომ   იესო ნაზარეველის მსგავსი არავინ ყოფილა. ის ყველა დროის ყველაზე უნიკალური პიროვნებაა.

იესომ ისტორიის მსვლელობა მთლიანად შეცვალა. ჩვენს კალენდარზე აღნიშნული თარიღიც კი მოწმობს,  2000 წლის წინ,  ქვეყნად იესოს ცხოვრებაზე.

შეხედეთ იესო ნაზარეველის ცხოვრებას და იმ ზეგავლენას, რომელიც მას  ისტორიაზე ჰქონდა.

მის ქადაგებას  ცვლილებები, თითოეული ადამიანის ცხოვრებაში მოაქვს.

იესო ამბობდა: „მე ვარ გზა, ჭეშმარიტება და სიცოცხლე,  ვერავინ მივა მამასთან თუ არა ჩემით.“

შენთვის  ვინ არის იესო ქრისტე?

 ამ კითხვის პასუხზეა დამოკიდებული, როგორც შენი ამქვეყნიური, ასევე მარადიული ცხოვრება. თუ ქრისტიანი ხარ, ოღონდ ქრისტესთან ურთიერთობის გარეშე, უნდა იცოდე, რომ იესოს გარეშე ქრისტიანობისგან აღარაფერი რჩება.

ბიბლიური ქრისტიანობა ეს არ არის უბრალოდ ცხოვრებისეული ფილოსოფია, ეთიკური ნორმები ან რელიგიური რიტუალების შესრულება.  ჭეშმარიტი ქრისტიანობობა სხეულში შობილ, ჯვარცმულ და მკვდრეთით აღმდგარ,  ცოცხალ უფალთან პირად  ურთიერთობაზეა დაფუძნებული.

   მინდა ვთქვა მათთვის, ვისაც სურს ირწმუნოს იესო ქრისტე,  როგორც ცოცხალი უფალი და მხსნელი.
ამაში შეუძლებელი არაფერია!  იესოს ისე ძალიან უნდა თქვენთან ახლო ურთიერთობის დამყარება, რომ მან  ამისთვის  რაც აუცილებელი იყო უკვე ყველაფერი გააკეთა.

ეპისკოპოსი ოლეგ ხუბაშვილი

ჩინეთის ერთ-ერთ ქალაქში,  ნანჯინგში, ცხოვრობდა კაცი, რომელიც 13 წლის მანძილზე ყოველ შაბათ-კვირას ატარებდა ერთსა და იმავე ადგილას – მდინარე “იანგტეცის” ხიდზე, რომელიც ცნობილია, როგორც თვითმკველელობის ადგილი.

ყოველ შაბათ-კვირას, დილის 8-დან საღამოს 5 საათამდე, ხიდს პატრულირებს 48 წლის კაცი სახელად ჩენ სი, რათა არავინ ეცადოს იქიდან გადახტომას. ის ამ ხალხს ელაპარაკება და ეხმარება ცხოვრების თავიდან დაწყებაში. ჩენ სი  არა მხოლოდ მსხვერპლს იღებს ამ სასოწარკვეთილი ადამიანების გადასარჩენად, არამედ ფულსაც სწირავს  ამ მისიას.  ამ ხიდთან ახლოს ქირაობს 2 საძინებლიან ბინებს, რომ მის გადარჩენილ ხალხს დასაძინებელი ადგილიც ჰქონდეს.  ის მისი შემოსავლების ნახევარს ამ საქმეში ხარჯავს.

უმეტესობა ამ ადამიანებისა არიან იმიგრანტები, რომლებმაც ვერ აუწყეს ფეხი ნანჯინგის ცხოვრების ტემპს და საუბედუროდ, უკანაც ვეღარ ბრუნდებიან.

"ერთ დროს მეც ერთ-ერთი მათგანი ვიყავი, იმიგრანტი მუშაკი, რომელიც დღეს ლოჯისტიკის კომპანიაში მუშაობს."

 "მეც დამეხმარა ერთი კეთილი გულის მქონე ადამიანი, როდესაც ნანჯინგში  გამყიდველად მუშაობისას რთული პერიოდი დამიგდა."

 

"როდესაც ჩემი ცხოვრება უკეთესობისკენ წავიდა, მეც გამიჩნდა სურვილი დავხმარებოდი სხვებს და ჩამენერგა მათში მომავლის იმედი." 
2015 წელს  მან მიიღო ჯილდო სახელწოდებით “ნანჯინგის ანგელოზი”. სიტყვით გამოსვლისას კი განაცხადა, რომ ქვეყნის აყვავება ყველაზე იყო დამოკიდებული და როგორ შეეძლოთ მათ პასუხისმგებლობის თავიდან აცილება.

 

მან ეს ყველაფერი სერიოზულ საკითხად ჩათვალა. ამ დროის მანძილზე მან წარმატებით შეაცვლევინა აზრი  321 ადამიანს, რომელიც თვითმკვლელობას აპირებდა, ასევე 280 გადარჩენილ ადამიანს სპეციალური ასისტენტები მიუჩინა, რომლებიც შემდგომში ყურადღებას მიაქცევდნენ მათ და დაეხმარებოდნენ.  მან 12,650 საათი გაატარა იმ ადამიანთა ძებნაში, ვინც მას ოდესმე გადაურჩენია.

"როდესაც ოჯახისგან შორს იმყოფები, გიწევს სხვადასხვა პრობლემებთან შეჭიდება და ამ დროს რაც გჭირდება არის უბრალო წახალისება სხვებისგან."

 

თუ გსურთ გაიგოთ უფრო მეტი ჩან სის შესახებ, იხილეთ ვიდეო:

თარგმანი: მარიამ გოგიჩაშვილი

კორექტორი: ნინი გელაშვილი

სირიელმა მღვდელმა 200 ასურელი ქრისტიანის გამოსასყიდად თანხის შეგროვება  შეძლო. ისინი 2015 წლის თებერვალში "ISIS"-ის ბოევიკებმა ტყვედ აიყვანეს. Associated press-ის სააგენტოს მონაცემების მიხედვით, არსებული კონფლიქტის ისტორიის მანძილზე, ეს იყო "ISIS"-ის ერთ-ერთ ყველაზე მასიური გატაცება სირიასა და ერაყში. ტყვეები აიყვანეს 2015 წლის 23 თებერვალს, როდესაც ბოევიკები ერთდროულად თავს დაესხნენ 35 დასახლებულ პუნქტს, სადაც ქრისტიანები ცხოვრობდნენ. როგორც ირკვევა, ტყვეთა რაოდენობა 226 ადამიანს შეადგენდა.

სააგენტომ გაარკვია, რომ ტერორისტებმა წამოაყენეს პირობა, რომლის თანახმად, ისინი 17 ადამიანს გაანთავისუფლებდნენ, იმ შემთხვევაში, თუ ერთ-ერთი მათგანი გამოსასყიდის მოთხოვნით წერილს მიუტანდა სირიის ქალაქ ელ-ჰასაკას ეპისკოპოსს. ტერორისტები თითოეულ გატაცებულზე 50000 დოლარს ითხოვდნენ, წინააღმდეგ შემთხვევაში, ისინი ტყვეებს სიკვდილით დასჯიდნენ.

როგორც ირკვევა, ეპისკოპოსს გადაწყვეტილების მისაღებად სამი დღე დასჭირდა. ტერორისტებთან გარიგება იყო დიდი რისკი, თუმცა ის დათანხმდა პირობებს ადამიანთა სიცოცხლის გადასარჩენად. მღვდელი აბდო მარზა, რომლის ასულიც ტყვეთა შორის ერთ-ერთი იყო, დათანხმდა ბოევიკების პირობის შესრულებას.

ინფორმაცია ტყვეების გამოსასყიდი თანხის შეგროვების შესახებ ვრცელდებოდა სოციალური ქსელის მეშვეობით. Associated press-ის მონაცემების მიხედვით, გადამწყვეტი როლი ითამაშა ვიდეომ, რომელზეც აღბეჭდილი იყო სამი დატყვევებული ადამიანის სიკვდილი. ამის შემდეგ თანხები ირიცხებოდა მსოფლიოს სხვადასხვა კუთხიდან.

სააგენტო იუწყება, რომ ბოლო 43 ტყვე გაანთავისუფლეს 2016 წლის 22 თებერვალს. გამოსასყიდის საერთო რაოდენობა უცნობი დარჩა. ეპისკოპოს ატნეილმა ამ ინფორმაციასთან დაკავშირებით კომენტარის გაკეთებაზე უარი განაცხადა.

"სიმართლე გითხრათ, ეს ადამიანი უნდა იყოს წმინდანად შერაცხული, იმისათვის რაც მან გააკეთა და იმ მსხვერპლისათვის, რომელიც მან გაიღო, ამ ადამიანთა დასახმარებლად"- აცხადებს ანეკი ნისსანი, რომელიც ეპისკოპოსს კანადის ტერიტორიაზე ეხმარებოდა სახსრების შეგროვებაში. მისი  განცხადების თანახმად, ეპისკოპოსმა უარი თქვა სირიის დატოვებაზე, სანამ ყველა მისი მოქალაქე უსაფრთხოდ არ იქნება.

 

 

თარგმანი: მარიამ ბობოხიძე

კორექტორი: ანუკი გელაშვილი

წყარო: http://gcshelp.org/ 

ერთ დილას ადრე გავიღვიძე, რათა მზის ამოსვლისთვის მეყურებინა.

ოჰ, ღმერთის ქმნილების სილამაზე სცდება ყოველგვარ აღწერას.

როცა შევხედე, განვადიდე ღმერთი მისი მშვენიერი საქმისთვის.

როგორც კი იქ დავჯექი, ვიგრძენი უფლის თანდასწრება

მან მკითხა მე: ,, გიყვარვარ?’’

მე ვუპასუხე: ,, რა თქმა უნდა, ღმერთო! შენ ხარ ჩემი უფალი და მხსნელი!’’

შემდეგ მან მკითხა: ,, თუკი იქნებოდი ფიზიკურად უნარშეზღუდული, მაინც გეყვარებოდი?  ’’

მე გავოგნდი. შევხედე ჩემს მკლავებს, ფეხებს, ჩემი სხეულის დანარჩენ ნაწილებს და გავოცდი, რამდენი რამის გაკეთება არ შემეძლებოდა.

და მე ვუპასუხე: ,, ეს ძალიან მკაცრი იქნებოდა, მაგრამ მე მაინც მეყვარებოდი.’’

შემდეგ ღმერთმა მკითხა: ,,თუკი შენ ბრმა იქნებოდი, მაინც გეყვარებოდა ჩემი ქმნილება? ’’

როგორ შემეძლებოდა მყვარებოდა რაიმე, თუ ვერ შევძლებდი მის დანახვას? შემდეგ დავფიქრდი მსოფლიოში ყველა ბრმა ადამიანზე, ღმერთი   და მისი ქმნილება მაინც რამდენ მათგანს უყვარს.  

ვუპასუხე: ,,ამაზე ფიქრიც კი რთულია, მაგრამ მე მაინც მეყვარებოდი.’’

შემდეგ უფალმა მკითხა:   ,,შენ რომ ყრუ ყოფილიყავი, მაინც მოუსმენდი ჩემს სიტყვას? ’’

როგორ შევძლებდი რაიმეს მოსმენას თუ კი ყრუ ვიქნებოდი? შემდეგ მივხვდი რომ, ღმერთის სიტყვის მოსასმენად არ ვიყენებთ მხოლოდ ჩვენს ყურებს, არამედ –  ჩვენს გულებს.

ვუპასუხე: ,, ეს ძალიან მკაცრი იქნებოდა, მაგრამ მე მაინც მოვუსმენდი შენს სიტყვას.’’

უფალმა მკითხა: ,, შენ რომ მუნჯი ყოფილიყავი, მაინც განადიდებდი ჩემს სახელს?’’

როგორ შემეძლებოდა განდიდება ხმის გარეშე? შემდეგ ეს მოხდა ჩემში: ღმერთს უნდა, რომ ვუმღეროთ ჩვენი გულიდან და სულიდან. არ აქვს მნიშვნელობა, როგორ ჟღერს ის. უფლის განდიდება არ ხდება ყოველთვის სიმღერით. როცა ჩვენ ვართ დევნილნი, ჩვენ განვადიდებთ ღმერთს მადლიერების სიტყვებით.

ვუპასუხე: ,,მაშინაც კი , თუ მე არ შემეძლებოდა ფიზიკურად სიმღერა, მაინც განვადიდებდი შენს სახელს.’’

და უფალმა მკითხა: ,, მართლა გიყვარვარ?’’

სიმამაცით და ძლიერი რწმენით მე თამამად ვუპასუხე: ,,დიახ, უფალო! მე მიყვარხარ შენ, რადგან შენ ხარ ერთადერთი და ჭეშმარიტი ღმერთი.’’

ვფიქრობდი, რომ კარგად ვუპასუხე, მაგრამ…

ღმერთმა მკითხა:  ,, მაშინ რატომ სცოდავ?’’

მე ვუპასუხე: ,, რადგან მე მხოლოდ ადამიანი ვარ, არ ვარ სრულყოფილი.’’

,,მაშინ სიმშვიდის დროს, რატომ რჩები ყველაზე შორს, რატომ ლოცულობ წრფელად მხოლოდ განსაცდელების ჟამს?’’

არანაირი პასუხი. მხოლოდ ცრემლები…

უფალმა განაგრძო: ,,რატომ მღერი მხოლოდ უკანდახევების ჟამს? რატომ მეძებ მხოლოდ თაყვანისცემის დროს? რატომ ითხოვ ასე ეგოისტურად? რატომ ითხოვ ასე ორგულად?’’

ცრემლები აგრძელებნენ ჩემს ლოყებზე ჩამოგორებას.

,,რატომ გრცხვენია ჩემი? რატომ არ ავრცელებ კეთილ უწყებას? დევნების დროს რატომ შესტირი სხვებს, როცა მე გთავაზობ ჩემს მხარს, რომ იტირო? რატომ იხდი ბოდიშებს, როცა მე გაძლევ საშუალებას, რომ იმსახურო ჩემი სახელით?’’

მე ვცდილობდი მეპასუხა, მაგრამ არ მქონდა პასუხი.

,,შენ კურთხეული ხარ ცხოვრებით. მე შეგქმენი იმიტომ, რომ არ მოგესროლა ეს საჩუქარი. მე გაკურთხე შენ ნიჭებით, რომ გემსახურა ჩემთვის, მაგრამ შენ აგრძელებდი ჩემთვის ზურგის ქცევას. მე გამოვავლინე ჩემი სიტყვა შენში, მაგრამ შენ არ შეიძინე ცოდნა. მე გელაპარაკებოდი, მაგრამ შენი ყურები დახშული იყო. მე განახე ჩემი კურთხევები, მაგრამ შენი თვალები შეტრიალებული იყო. მე გამოგიგზავნე მსახურები, მაგრამ შენ გულხელდაკრეფილი იჯექი და აიძულე ისინი მოგშორებოდნენ. მე ვისმენდი შენს ლოცვებს და ყველა მათგანს ვუპასუხე.’’

,,მართლა გიყვარვარ?’’

მე არ შემეძლო მეპასუხა. დარცხვენილი ვიყავი რწმენის მიღმა. არ მომიხდია ბოდიში. რა შემეძლო მეთქვა ამაზე? როცა ჩემი გული ტიროდა და ცრემლები ჩქეფდა, მე ვთქვი: ,,გთხოვ, მაპატიე უფალო. მე არ ვარ ღირსი, რომ შენი შვილი ვიყო.’’

უფალმა მიპასუხა:  ,,ესაა ჩემი წყალობა, ჩემო შვილო.’’

მე ვკითხე:  ,,მაშინ რატომ აგრძელებ ჩემს პატიებას? რატომ გიყვარვარ ასე?’’

უფალმა მიპასუხა: ,, რადგან შენ ხარ ჩემი ქმნილება, შენ ხარ ჩემი შვილი. მე არასოდეს მიგატოვებ შენ.’’

,,როცა შენ ტირი, მე გითანაგრძნობ და ვიტირებ შენთან ერთად.

როცა შენ შესძახი სიხარულისგან, მეც გავიცინებ შენთან ერთად.

როცა შენ ეცემი, მე გაგამხნევებ შენ.

როცა წაიქცევი, მე წამოგაყენებ.

როცა შენ დაიღლები, მე გატარებ.

მე ვიქნები შენთან ერთად დღეების აღსასრულამდე და მე ყოველთვის მეყვარები.’’

მანამდე, ასე ძლიერ არასოდეს მიტირია. როგორ შემეძლო ვყოფილიყავი ასეთი ცივი?

როგორ შემეძლო უფლისთვის ტკივილი მიმეყენებინა იმით, რასაც ვაკეთებდი?   ვკითხე ღმერთს: ,, რამდენად ძლიერად გიყვარვარ?’’

უფალმა შემომხვია თავისი მკლავები და დავინახე მისი დალურსმნული ხელები. მოვიდრიკე ქრისტეს, ჩემი მხსნელის ფეხებთან.  და პირველად, წრფელად ვილოცე.

თარგმანი: თამთა ნიქაბიძე
რედაქტირება: ნინი გელაშვილი

წყარო

სირია–ისრაელის საზღვარზე ISIS-ის მოქმედებების გაზრდის პარალელურად, შაბათ–კვირის მიწურულს ებრაელმა ჯარისკაცებმა მოხსენება განათავსეს, რომლის თანახმადაც ისრაელი–სირიის საზღვარს თავს ღრუბლის სვეტი დაატყდა.

უცნაურმა შტორმმა სრულიად შთანთქა სირიის მხარე, თუმცა  ისრაელის საზღვარზე გაჩერდა.

ვიდეოში ის ჯარისკაცებია ნაჩვენები, რომლებმაც შეძლეს ამ არაბუნებრივი მოვლენის მობილური ტელეფონებით გადაღება.

ვიდეო ფეისბუქში ვირუსივით გავრცელდა და მას არაერთმა ებრაელმა „ღვთაებრივი ინტერვენცია(ჩარევა)“ უწოდა.

„უდიდესი სასწაული! აღსანიშნავია როგორ შეაჩერა ღმერთმა უზარმაზარი შტორმი ისრაელის საზღვარზე." წერს იაფათ რომანო. „მადლობა მამა!“

„კიდევ რა არის საჭირო, რომ ვირწმუნოთ?“ – აღნიშნა ნათანელ თანაამიმ.

„სამყაროს შემოქმედი გვიცავს“ – დაამატა ნისიმ ნაჰოუმ.

თარგმანი: შორენა მუზაშვილი

წყარო