მეგავარსკვლავი, სილვესტერ სტალონე, ყოველთვის თავად ასრულებდა რთულ სცენებს ფილმებში, რაც ხშირად მთავრდებოდა ძვლების მოტეხილობითა და ჰოსპიტალიზაციით. ამ იტალიელის რწმენამაც, ქრისტეს მიმართ, მრავალი დარტყმა გადაიტანა. და ასე გრძელდებოდა იქამდე, სანამ ეს ჰოლივუდელი  "უძღები ძე" უფალს არ დუბრუნა (როგორც ამას თავად აღნიშნავას).

   „მე ქრისტიანულ ოჯახში ვიზრდებოდი, _  ყვება სტალონე “Dove Foundation”_თან ინტერვიუში. ბავშვობიდან მინერგავდნენ რწმენას და მეც ვცდილობდი ვყოფილიყავი მორწმუნე ისე, როგორც ეს შემეძლო, სანამ, ერთხელაც რეალურ სამყაროში არ ამოვყავი თავი. მრავალ ცდუნებას წავაწყდი და გზიდან გადავუხვიე. ბევრი არასწორი და ცუდი არჩევანი გავაკეთე.“

   სტალონე (ის ამჟამად 70 წლის გახლავთ) დაიბადა ნიუ-იორკში. მამამისი კოსმეტოლოგი და დალაქი იყო. დედამისი სპორტული დარბაზის მფლობელი გახლდათ, ასევე დაკავებული იყო ასტროლოგიით, ცეკვით და ქალთა ბრძოლებსაც  უწევდა პროპაგანდას. 

   სტალონეს დაბადებას თან სირთულეები ახლდა. გამბანელმა ქალმა ახალშობილს შემთხვევით ნერვი გადაუჭრა, რამაც სახის არეში პარალიჩი გამოიწვია. თუმცა, სწორედ ასეთი „ველური მზერა“ გახდა  შემდგომში მისი სცენური იჯიმი_ ისევე, როგორც ოდნავ ნერვიული საუბარი. 

  როდესაც სტალონე 10 წლის გახლდათ მისი მშობლები გასცილდნენ. შეიძლება სწორედ ეს გახდა სკოლაში მისი ცუდი ყოფაქცევის მიზეზი. 24 წლის ასაკში სახლიდან გამოაგდეს და ბენზინგასამართ სადგურებზე ეძინა. სწორედ ამ პერიოდში აიყვანეს ის ფილმში როლის შესარულებლად, რაშიც 200 დოლარი გადაუხადეს. ფილმი პორნო-ეროტიკული ჟანრის გახლდათ. „მე მქონდა არჩევანი: ან ამ ფილმში მიმეღო მონაწილეობა, ან თავი ვიღაც-ვიღაცეების ძარცვით მერჩინა – იხსენებს სტალონე. – სასოწარკვეთილი გახლდით, საშინლად სასოწარკვეთილი.“ 
 

    ამ ფილმის შემდგომ, კიდევ ითამაშა რამდენიმე როლი სხვა ფილმებში, მაგრამ ყველაზე დიდი წარმატება მას 1976 წელს   ფილმმა _"როკი" მოუტანა. ამ კინოფილმმა მიიღო სამი ოსკარი და გარემოიცვა ამერიკელთა წარმოსახვა. „წარუმატებელი ბოქსიორი“ ამერიკის კუმირი გახდა. 

ამ წარმატების შემდეგ,  კიდევ იყო შემოთავაზებები „როკი“-ს გაგრძელებაზე  და ასევე „რემბო“-ში მონაწილეობაზე, სადაც სტალონემ ყოფილი სპეცრაზმელის, ჯონ რემბოს როლი შეასრულა. შემდგომ იყო „დაუკავებელნი". საზოგადოებისგან „გარიყული კასტიდან“ ეს ბიჭი ჰოლივუდის ერთ-ერთი ყველაზე წარმატებული მსახიობი გახდა. უცაბედმა სიმდიდრემ და პოპულარობამ მის წინაშე კიდევ მრავალ საცდურს ახადა ფარდა. „უცაბედად  შენ  ზღაპრული სამყაროს გასაღები გერგო და უამრავი  ცდუნება მოვიდა. მეც  ჩემი დიდების რწმენა დავიწყე _ ამბობს სტალონე პეტ რობერტსონთან ინტერვიუში. – ეჭვგარეშეა, რომ მაშინ სწორ გზას ავცდი. ამას ვაღიარებ.“

   სტალონე ორჯერ გაშორდა ცოლს. პირველი ქორწინება მას საშა ზაკთან ჰქონდა, ხოლო მეორე – ბრიჯიტ ნილსენთან. ამჟამად ის დაქორწინებულია ჯენიფერ ფლავინზე. ჯენიფერისგან მას სამი ქალიშვილი ჰყავს. 
   მისმა პირადმა სირთულეებმა სურვილი აღუძრა რომ ბოლო ფილმებში თავის მიერ შესრულებული როლები გაეანალიზებიანა.  მისი და, ტონი დუალტო, 2012 წელს 48 წლის ასაკში ფილტვის კიბოთი გარდაიცვალა. კინოფილმ „როკი“-ს ბოლო ნაწილში, როკი ბალბოა ადონს ჯონსონის ხელმძღვანელის როლში გვევლინება, სადაც  კიბოს ებრძვის.

  როგორც თავად  სტალონე ამბობს, მისი სიცოცხლე ბოლო 12 წლის განმავლობაში ფსკერისკენ ეშვებოდა, სანამ მასში  "უძღები ძის" გაღვიძება არ მოხდა და ის დაუბრუნდა  ბავშობის რწმენას. „საბოლოოდ გავაცნბიერე რომ უნდა გავჩერდე,“ _ ამბობს სტალონე  _ ,,უნდა დავუბრუნდე მთავარს, დროა შევწყვიტო საკუთარი ცხოვრების კონტროლი და ამის უფლება ღმერთს დავუთმო.“ მიუხედავად ჰოლივუდის ქრისტიანობასთან არასახრბიელო დამოკიდებულებისა და შეუფერხებელი გარემოსი, სტალონე თამამად საუბრობს ქრისტესადმი თავის რწმენაზე. ყოველთვის გამოხატავას ენთუზიაზმს, როდესაც საქმე ეკლესიაში სიარულს ეხება. 

„რაც უფრო ხშირად დავდივარ ეკლესიაში, მით უფრო მეტად ვაჩვევ თავს უფალთან ერთად სიარულს. რაც უფრო მეტად ვისმენ მის სიტყვას _ ის მხელძღვანელობს მე და ვგრძნობ, რომ ზეწოლა იკლებს“ – ამბობს სტალონე გადაცემაში "ოჯახი ფოკუსში".  ეკლესია – სულის სავარჯიშო არენაა. თქვენ არ შეგიძლიათ საკუთარი თავის თავად წვრთნა. აუცილებელია საიდანღაც ვიღებდეთ ცოდნას, გამოცდილებას, აუცილებელია ვიღაცის ხელმძღვანელობა.“

    ახლა, როდესაც ის უკვე ასაკშია და გამოცდილებაც დიდი აქვს, სტალონე აღიარებს, რომ მის ადრინდელ ფილმებში  ხშირი იყო ძალადობა. თუმცა, "როკის" სერიები მისთვის ძვირფასია. 

„ეს არის ისტორია რწმენის, სიწრფელისა და გამარჯვების“_ამტკიცებს სტალონე. _"იესო არის ძალთა წყარო ყველასთვის, ვინც  მარათონი უნა გადალახოს. ეს შეგიძლიათ შეადაროთ დავითის სიმამაცეს –  გმირს, რომელიც ერთ დროს არაფერს წარმოადგენდა, მაგრამ გოლიათი დაამარცხა. ეს სიცოცხლის მეტაფორაა.“

 რაღაც დროის განმავლობაში მიმდინარეობდა მუშაობა "რემბო"-ს იმ  ვერსიაზე, როდესაც ერაყის ტერტორიაზე მისიონერები უნდა გადაერჩინათ. მაგრამ ეს ფილმი ალბათ, არც არასოდეს გამოვა ეკრანზე.
   სტალონეს სტილის ერთ-ერთი თავისებურება ისაა, რომ ის ყველა ილეთს დუბლიორის გარეშე ასრულებს. ამას მოჰყვა ტრამვა მხრებზე, მკერდსა და ზურგის მაღლითა ნაწილზე. ამ ტრამვის შედეგების დაფარვას იგი ტატუირების მეშვეობით ცდილობს. პირველი ტატუ მის ცოლის, ფლავინის, გამოსახულება იყო. 

   როდესაც სტალონეს „როკი 4“_ს გადაღებები ჰქონდა, მისმა თანამონაწილემ (რომელიც რუსი ბოქსიორის როლში იყო) ისე ძლიერ დაარტყა, რომ ოთხი დღის განმავლობაში სტალონე ინტენსიური თერაპიის პალატაში იმყოფებოდა. "რაოდენ უაზროა"_აღიარა მსახიობმა. 

    ეს ტრამვები ასევე მეტაფორაა. როდესაც ზურგს ვაქცევთ ქრისტეს და მივდივართ მისგან, ჩვენ ცხორებისაგან დარტყმებს ვიღებთ და ისინი აღგვძრავენ, რომ დავფიქრდეთ ყველაზე მნიშვნელოვან რამეებზე, ამის შემდგომ კი კვლავ ვუბრუნდებით მას. ვფიქრობ სტალონე დაეთანხმებოდა ამას.

თარგმანი: ია კარგარეთელი
რედაქტორი: მარიამ კახიაშვილი

წყარო:  http://www.grehu.net/news/culture/29655

მას შოკ-როკის მამად მოიხსენიებდნენ, საშინელებათა ფილმებიდან ამოღებული ელემენტებით, სცენური დადგმებითა და გილიოტინებით, სისხლით, საბავშვო სათამაშოებითა და სახრჩობელებით.

ბევრი გაოცდება, როცა მისი ქრიატიანული ფესვებისა და  ,,მამის სახლში” დაბრუნების შესახებ გაიგებს, განსაკუთრებით კი ამდენწლიანი თავაშვებული ცხოვრების შემდგომ.

 "მამაჩემი პასტორი გახლდათ,  ბაბუა კი მახარებელი, სინამდვილეში ორივენი სახარების მაუწყებელნი იყვნენ"_თქვა კუპერმა Harvest Show_ს მსვლელობისას. მე ეკლესიაში ვიზრდებოდი და მორწმუნე მშობლების შვილი ვიყავი. მორწმუნეთა შვილები იყვნენ აგრეთვე ჩემი პირველი მეგობრები. ძალიან მხიარული ბავშვობა მქონდა. ეკლესიაში მსახურებაზე დავდიოდი. მთელი ჩემი სოციალური ცხოვრება  ეკლესიური ბავშვების გარშემო ბრუნავდა.

როდესაც  60_იან წლებში „ბითლზი“ მუსიკის არენაზე გაიჭრა, კუპერი (ვინსენტ ფიორნერი) დატყვევებული გახლდათ მათი შემოქმედებით და საკუთარი ჯგუფიც კი ჩამოაყალიბა სახელწოდებით "The Spiders" (ობობები), რომელიც “ბითლზის” სტილში უკრავდა. სიმღერების ჩაწერიდან რამოდენიმე წლის შემდეგ ის მიხვდა, რომ როკ სცენას რაღაც აკლდა.

---

 „მივიხედე და გავიფიქრე: როკ-ენ-როლში საერთოდ არ არიან ბოროტმოქმედები, რა მოხდება  თუ მათ მე შევქმნი?“

---

და ფიორნერმა შექმნა პერსონაჟი, სახელად _ ელის კუპერ, რომელიც  სცენაზე წასრდგა, როგორც ქალის მკვლელი,  შავად შეღებილი, ჩათხაპნილი თვლებით და მეძავი ქალის სამოსში გამოწყობილი.

თავიდან  წარმოდგენა არ ჰქონდა, რომ სცენაზე მისი თამაში მის ქრისტიანულ ცხოვრებაზე დიდ ზეგავლენას მოახდენდა. „საერთოდ ვერ ვჭვრეტდი, თუ როგორ იმოქმედებდა ეს ჩემს რწმენაზე. ბიბლია სავსეა ბოროტმოქმედებით და მეც ვფიქრობდი, რომ  ერთ-ერთი მათგანი გავხდებოდი.“

 „მე დავაწესე საზღვრები ელის კუპერისთვის, რომელიც მას არ უნდა გადაელახა“_თქვა მან Harvest Show_ს ინტერვიუში. საბოლოოდ მთელს ჯგუფს მისი სამარცხვინო ლიდერის სახელი ეწოდა.

მათ პირველი, დიდი წარმატება სიმღერამ „I'm eighteen“ მოუტანა, რომელმაც  1971 წლის 100 საუკეთესო სიმღერას შორის 21_ე ადგილი დაიკავა .

 ჯგუფის ტურნეები 1971_1972 წლებში  დადგმული ჩხუბებით,  გითიკური წამებითა და ახალშობილთა დასაჭურისებით იყო სავსე. სცენაზე მიმდინარეობდა დადგმული წამებაც.

1971 წელს  მათი სიმღერა „school's Out“   დიდი ბრიტანეთის საუკეთესო სიმღერათა ჰიტპარადში შევიდა. ჯგუფი შოკში აგდება მშობლებს და აღაშფოთებდა საზოგადო მოღვაწეებს. ბრიტანეთის პოლიტიკოსმა, ლეიბორისტული პარტიის წევრმა საჩივარი შეიტანა, რათა ქვეყანაში ჯგუფის შემოქმედება აღკვეთილიყო. BBC_ზე მათი ერთ-ერთი სიმღერა მართლაც აკრძალეს.

ფიორნერი ცნობილი, როგორც კუპერი თვითდამანგრეველი ცხოვრების სტილში ჩაება, დატოვა რა თავისი ქრისტიანული ფესევბი ძალიან შორს.

 "ყველაფერი, რაც შენ გსმენია ჩვენზე, როგორც სიგიჟე ისე ჟღერდა"_თქვა მან ავსტრიაში Mulatschag TV_ზე. „ალბათ მაშინდელი საზოგადოებისთვის ჩვენ მართლაც საფრთხეს წარმოვადგენდით. ჩვენ გახლდით ისინი, ვინც გადარჩნენ. ბევრი ჩვენი მეგობარი როკ-ვარსკვლავად გახდომის მცდელობისას დაიღუპა.“

კუპერის მეგობრები გახლდნენ: ჯიმ მორისონი, ჯიმი ჰენდრიქსი, ჯენის ჯოპლინი და კიტ მუნი. „ამ ბიჭებთან ერთად ვსვამდი ყოველ საღამოს და ვუყურებდი, როგორ ეშვებოდა თითოეული მათგანი ფსკერზე.საქმე იმაში იყო, რომ ისინი ცდილობდნენ ეთამაშათ თავიანთი პერსონაჟი სცენის მიღმაც.“

მისი მსმელობა აისახა ჯანმრთელობაზეც.  „დიდი ხნის განმავლობაში ვსვამდი. სერიოზული ალკოჰოლიკი ვიყავი. სასტიკი და ბობოქარი არ ვყოფილვარ, მაგრამ ჩემი მოქმედებები თვითგანადგურებისკენ მიმიძღოდა.“_ამბობს იგი. რეპორტიორები ამბობენ, რომ ის ყოველ დღე მინიმუმ ორ შეკვრა ლუდსა  და ერთ ბოთლ ვისკის სვამდა.

 დიდ ბრიტანეთში ტურნეს შემდგომ, 1972 წელს კუპერმა  ალკოჰილის გამო სისხლის ანალიზი აიღო. 7 წლის შემდეგ ის ჰოსპიტალიზირებული იყო დიაგნოზით – „ფილტვის ცეროზი.“

 „უნდა გამეარა მკურნალობა“_ ამბობს კუპერი Mulatschag TV_ს ეთერში. „გამოვაღწიე საავადმყოფოდან და ეს გახლდათ სასწაული. გავთავისუფლდი ალკოჰოლისაგან. უფალმა ის ჩემგან წაიღო. ნამდვილად საოცრება იყო. 30 წლის განმალობაში არ მიგრძვნია ლტოლვა ალკოჰოლისადმი, რაც მანამდე ჩემს ცხოვრებაში არარსებული გახლდათ.“

 კუპერი ფსკერზე დაეშვა და თავის აღორძინებაში უზენაესის ხელი იხილა, რამაც აიძულა თავისი რწმენა გადაემოწმებინა. იგი ყოფილ მეუღლეს შეურიგდა, ბალერინასა და ქორეოგრაფს, რომელიც მის შოუში 70_იან წლებში გამოვიდა. მისი მამა ბაპტისტური ეკლესიის მწყემსი გახლდათ.

 მათ ერთად დაიწყეს ფენიქსში არსებულ ეკლესიაში სიარული. „ფენიქსში მყავდა მწყემსი, რომელიც ყოველ კვირა დღეს მესაუბრებოდა, მიუხედავად იმისა, რომ მას ეკლესიაში დაახლოებით 6000 ადამიანი ჰყავდა. მისი სიტყვები ჩემი გულის კუთხე-კუნჭულში აღწევდა. ჩემთვის საკმაოდ რთული იყო, თავს დაცარიელებულად და გათელილად ვგრძნობდი, ვამბობდი, რომ აღარ მოვიდოდი, მაგრამ მაინც ყოველ კვირას მოვდიოდი ეკლესიაში.“

 ღმერთი ზრუნავს განდგომილთა გულებზე, რათა დააბრუნოს ისინი სახლში. "როგორც იქნა გადავწყვიტე, რომ ან ერთი მიმართულებით უნდა წავსულიყავი, ან მეორე. უნდა მიმეღო გადაწყვეტილება, რადგან გამუდმებით მსჯავრდადებას ვგრძნობდი. უფალი ძლიერ მამხელდა.“

 ელის კუპერი დაბრუნდა მამის სახლში და ღმერთი შეხვდა მას გაშლილი ხელებითა და სიყვარულით, რომელსაც ის ინახავდა თავისი უძღები ძისთვის.

 კუპერის გულში სიცარიელე  უფლით შეივსო. „როდესაც თქვენ იგრძნობთ ამ შევსებას, ძალიან გაოცდებით. ეს ის მდგომარეობაა, რომელშიც ახლა თავად ვიმყოფები. მე ჯერ ახალი მორწმუნე ვარ, ახალგაზრდა რწმენაში, მიუხედავად იმისა, რომ ბიბლიის შესწავლას დიდ დროს ვუთმობ“_ამბობს ის.

 კუპერი და მისი მეუღლე დადიან ბიბლიის შემსწავლელ კურსებზე ეკლესიაში, მაგრამ „მე ჯერ ისევ 'როკენროლერი' ვარ, რომელიც დადის ტურნირებაში,თუმცა ეს ტურნეები ისეთი როდია, როგორიც ადრე იყო. მე ლირიკულ სიმღერებს ვასრულებ. ზოგიერთი სიმღერა აღწერს იმ პერიოდს, როდესაც მე პიკზე ვიმყოფებოდი.

ადრე ეგოისტი გახლდით. ყველაფერი მხოლოდ ჩემთვის იყო. მაგრამ სინამდვილეში ყველაფერს ეპიცენტრში უნდა იყოს ღმერთი! ადამიანები თავიანთთვის ქმნიან ნამდვილად საშინელ კუმირებს. ჩვენ უნდა მივცეთ უფლება ღმერთს, რომ ჩვენს ცხოვრებაში იყოს და გვაქციოს ჩვენ იმად, ვინც ვართ სინამდვილეში. ჩემი პრიორიტეტები შეიცვალა. საკუთარი თავის მსახურების მაგიერ მე  ქრისტეს მსახურება დავიწყე. მე  უძღები ძის საუკეთესო მაგალითი ვარ.

                                                                                                                                                

თარგმანი: ია კარგარეთელი
                                                                                                                                                 წყარო: www.316news.org

 

დღეს ინტერნეტით  მილიონობით ადამიანი სარგებლობს,  მაგრამ ხშირად ადამიანებს გვავიწყდება, რომ ინტერნეტში  არამხოლოდ სასარგებლო ინფორმაციის  მოძიებაა შესაძლებელი,  არამედ  ღირსების დაკარგვა, სინდისის წაბილწვა და რეპუტაციის შელახვაც.

1. ნუ კამათობთ! კამათში ჭეშმარიტება არ იბადება, არამედ კვდება.

დისკუსია  განსხვავდება კამათისგან. დისკუსიაში ოპონენტები ინტერესდებიან ერთმანეთის აზრებით, შეუძლიათ მოსმენა, არავის თავზე არაფერს არ ახვევენ და ცდილობენ გაერკვნენ იმ საკითხში რომელიც განიხილება.

როგორც წესი, კამათში  ოპონენტებს არ უსმენენ, არამედ ცდილობენ საკუთარი სიმართლის  დამკვიდრებას; გამონათქვამები  ემოციურ ხასიათს იძენენ, ხოლო დიალოგი ხშირ შემთხვევაში – არაკონსტრუქციულია.  ამიტომ, სჯობს მოკლედ, ერთჯერადად და კონკრეტულად გამოხატოთ თქვენი აზრი, ვიდრე ენერგია  და დრო დახარჯოთ კონფლიქტის გაღვივებაში.

„სულელურ და უმეცარ პაექრობებს მოერიდე,
იცოდე, რომ ისინი მხოლოდ უთანხმოებებს ბადებენ.“    2ტიმოთე 2:23

„სულელურ პაექრობას, გვარ-ტომობას,
კინკლაობასა და რჯულის თაობაზე დავას მოერიდე,
ვინაიდან ეს უსარგებლო და ამაოა.“   ტიტე  3:9

 

2.   ნუ წერთ განრისხებულ გულზე ან სხვა უარყოფითი ემოციების თანხლებით (გაღიზიანება, წყენა, რისხვა, იმედგაცროება, გულდაწყვეტა და ა.შ.)  

ვნებათა ღელვა გადაგივლით და დაწერილზე ინანებთ.  მოითმინეთ,  აიღეთ დრო და თუ გარდაუვალია  პასუხის გაცემა, – უპასუხეთ, ოღონდ მოგვიანებით, ცივ გონებაზე.

„განსჯის უნარი რისხვაში ნელს ხდის ადამიანს;
მისი ღირსება დანაშაულის დავიწყებაა.“    იგავნი 19:11

ჰოდა, ჩემო საყვარელო ძმებო,
ყოველი ადამიანი მოსმენაში იყოს მარდი,
სიტყვაში – მძიმე და რისხვაში – ნელი.
რადგან ადამიანის რისხვა არ ქმნის ღვთის სიმართლეს.  იაკობი 1:19-20

„ბრიყვი მთელ თავის შინაგანს გადმოღვრის,
ბრძენი კი – თავშეკავებულია.“    იგავნი 29:11

„უგუნური მყისვე ავლენს თავის გაბრაზებას,
გონიერი კი არ იმჩნევს წყენას.“        იგავნი 12:16

„მრისხანე კაცი შფოთს იწვევს,
გულფიცხი – მრავალ დანაშაულს.“  იგავნი 29:22

 

3. ნუ წერთ და ნურც აზიარებთ  გადაუმოწმებელ, დაუზუსტებელ ინფორმაციას.

ეს შეიძლება ტყუილი აღმოჩნდეს. ეცადეთ გამოიყენოთ სანდო წყაროები, და არა ე.წ. ყვითელი პრესის საიტები, ან საეჭვო ინფორმაციები ფორუმებიდან და ჯგუფებიდან.    

არ იჩქაროთ ე.წ.  „სასწრაფო“  შეტყობინებების (რომლებშიც გთხოვენ წაკითხვას ან მეგობრებისთვის გაზიარებას)  გადაგზავნა მეგობრებში.   ხშირ  შემთხვევაში მსგავსი „სასწრაფო“  მესიჯები  ე.წ. სპამს  შეიცავს,  ან  შესაძლოა ძველი (თუნდაც ნამდვილი) ინფორმაციის დამახინჯებული  ვერსიაა.   

ერთი მოწმე ვერ წარდგება ვინმეს წინააღმდეგ რაიმე დანაშაულში ან შეცოდებაში, რომლითაც შესცოდავს: ორი ან სამი მოწმის პირით დამტკიცდეს საქმე.  მეორე რჯული 19:15

გულუბრყვილოს ყველა სიტყვისა სჯერა,
გონიერი კი აკვირდება თავის ნაბიჯებს.  იგავნი 14:15

4. სოციალურ ქსელებში გამოიყენეთ თქვენი ნამდვილი სახელი და გვარი – გამჭირვალობა დაგიცავთ საცდურისგან.

ქსელში  ამორალური ქცევა გაცილებით ადვილი ხდება მაშინ, როდესაც  უცნობი სახელით, ან ე.წ.  ნიკით  ხარ  შენიღბული.    გამოიყენეთ  თქვენი  რეალური  სახელი,  და ეს  იქნება დამატებითი ფაქტორი   რომელიც  დაგიცავთ  სისულელეების  კეთებისგან.

არ  გააკეთოთ  ქსელში ისეთი რაღაც,  რომლის  საჯაროდ  მოყოლაც  შეგრცხვებათ.

მაგალითად,  ძნელად  დასაჯერებლია  ცოლიანი  კაცი  დარეგისტრირდეს  +18  ჯგუფებში ნამდვილი   სახელით და გვარით,  ან  ეკლესიის  მსაუხრმა ღიად და პირდაპირ ფლირტაობა  დაუწყოს გოგოებს.  

არ  დამალოთ თქვენი ქრისტიანული შეხედულებები! „კეთილი სახელი დიდ სიმდიდრეზე უკეთესია,
ვერცხლსა და ოქროს კი კეთილგანწყობა სჯობს.“   იგავნი 22:1

„სამალავშიც რომ დაიმალოს ვინმე, განა ვერ დავინახავ? ამბობს უფალი, განა ცა და ქვეყანა ჩემით არ არის სავსე? ამბობს უფალი.“   იერემია 23:24

„…არაფერია დაფარული, რომელიც არ გაცხადდება და საიდუმლო, რომელიც არ გამჟღავნდება.“    მათე  10:26

5. ყოვეთვის იყავით კორექტულნი, პატივისცემით უპასუხეთ  ოპონენტებს.

ნუ  წერთ  უხეშად, ზემოდან ყურებით, განსაკუთრებით თქვენთვის უცხო  ადამიანებს.

ნუ  ამცირებთ  თანამოსაუბრეს  და  ნუ დასცინით,  თუნდაც  შეეშალოს  და  სისულელე დაწეროს.  არ  გადახვიდეთ  პიროვნებებზე:  გამიჯნეთ  ცოდვა ცოდვილისგან,  შეცდომა  შემცდარისგან.  ნუ ფანტაზიორობთ, მიმართეთ  ადამიანებს ისე, როგორც  თვითონ არიან წარმოდგენილნი  ინტერნეტში.   ნუ იყენებთ უწმაწურ იუმორს, უხამსობას  და  ორაზროვან  გამონათქვამებს.   არ  გადახვიდეთ  პიროვნებებზე!   ნუ  აყვედრით  ადამიანს ეროვნებას, სქესს, ჯანმრთელობის მდგომარეობას, ასაკს  და  ა.შ.

„მონას ღვთისას კი ჩხუბი არ მართებს, არამედ შემწყნარე უნდა იყოს ყველას მიმართ და მოთმინებით დამმოძღვრავი. სიმშვიდით არწმუნებდეს მოწინააღმდეგეთ, იქნებ მისცეს მათ უფალმა მონანიება ჭეშმარიტების შესაცნობად.“      2  ტიმოთე  2:24-25

 

6. ნუ  იჩქარებთ  დასკვნების გამოტანაში,  და  ნუ  დაასხავთ ნავთს  ცეცხლზე.

უსასრულო  კომენტარების  ჯაჭვში, განსაკუთრებით რთულია  მსჯელობების  სრული სურათის  დანახვა,  ამიტომ  სხვის  დისპუტში,  არ იჩქაროთ  რომელიმე  მხარის დაჭერა, მხოლოდ  დიალოგის  ნაწილის  და  ბოლო  კომენტარების  საფუძველზე.  

ნაჩქარევი  და  წინდაუხედავი  მოქმედებით,   შეცდომის დაშვების  დიდი  რისკის ქვეშ  იგდებთ თავს.   

„მოსმენამდე პასუხის გაცემა სიბრიყვეა და სირცხვილი.“  იგავნი 18:13

„გინდა ძაღლი ყურებით დაუჭერია კაცს და გინდა იმ ჩხუბში ჩარეულა,
მას რომ არ ეხება.“   იგავნი 26:17

„დავისგან თავშეკავება კაცის ღირსებაა, ყველა ბრიყვი კი შფოთის ამტეხია.“    იგავნი 20:3

 

7. კონფლიქტის წარმოშობის დროს, ნუ  არჩევთ თქვენს ურთიერთობებს საჯაროდ.

ეცადეთ  პირადში  დაარეგულიროთ კონფლიქტი. ნუ აწყობთ  საჯარო საქმის  გარჩევებს, აყალ-მაყალს,  რითიც  საკუთარი თავის და სხვების  დისკრედიტაციას  ეწევით.

ადამიანებს  არ უყვართ  თავიანთი  მეგობრების  საჯარო კონფლიქტების ყურება,   მითუმეტეს  მაშინ, როდესაც  არსებობს  პირადი მიმოწერების საშუალება,  სადაც შეიძლება ნებისმიერი უთანხმოების განხილვა, და თუ შესაძლოა, მოგვარება.

„თუ შენი ძმა შესცოდავს, მიდი და ამხილე იგი, როცა მარტონი იქნებით; თუ გაიგონებს, შეგიძენია შენი ძმა. ხოლო თუ არ გაიგონებს, წაიყოლე კიდევ ერთი ან ორი სხვა, რათა ორი ან სამი მოწმის პირით განმტკიცდეს ყოველი სიტყვა. თუ არც მათ გაუგონებს, ეკლესიას უთხარი; ხოლო თუ არც ეკლესიას გაუგონებს, მაშინ იყოს იგი შენთვის, როგორც წარმართი ან მებაჟე.“     მათე  18:15-17

„იდავე მოყვასთან შენს საქმეზე, მაგრამ სხვის საიდუმლოს ნუ გაამჟღავნებ.“   იგავნი  25:9

8. პატივი ეცით  საავტორო უფლებებს.  

ეცადეთ  არ  გამოაქვეყნოთ  სხვისი  მასალები  ისე,  რომ  არ მიუთითოთ  წყარო.

სხვისი  ტექსტის  ან ციტატის დაკოპირებისას,  დაეყრდენით  კონკრეტულ  წყაროს  ან ავტორს.   გარდა  ამისა,  ძალიან ცუდი ტონი  და  ჟესტია სოციალურ ქსელებში,  საკუთარი  მასალების ან საიტიების  რეკლამირება  სხვების  პროფილებზე.

„და როგორც გინდათ, რომ ადამიანები გექცეოდნენ,

თქვენც ასევე მოექეცით მათ.“    ლუკა 6:31

„ოღონდ არც ერთ თქვენგანს არა ევნოს რა, როგორც მკვლელს ან ქურდს, ბოროტმოქმედს ან სხვის საქმეში ჩამრევს.“    1  პეტრე 4:15

9.  მშვიდად  შეხვდით კრიტიკას.  

თუ  დაიმსახურეთ კრიტიკა – იქონიეთ ვაჟკაცობა საკუთარი შეცდომების აღიარების;

ხოლო თუ დაუმსახურებლად – იქონიეთ საკუთარი პოზიციის გამოხატვის სიბრძნე და ტაქტი,  თავის მართლებების და თავდასხმებზე გადასვლის გარეშე.

ზოგჯერ  დუმილი  ღირს.  არსებობენ განსაკუთრებული  შემთხვევები,  როდესაც  უკეთესია კონფლიქტის პროვოკატორების  დაბლოკვა,  ვიდრე  უსასრულო  „შეხლა-შემოხლის“

გაგრძელება.  თუმცა ამ  მეთოდის ბოროტად გამოყენებაც არ ღირს.

„ვინც თავის დანაშაულს მალავს, წარმატება არ ექნება, მათი ამღიარებელი და მიმტოვებელი კი წყალობას ჰპოვებს.“   იგავნი 28:13

„დარიგების უარმყოფელს სძულს საკუთარი თავი, შეგონების შემსმენი კი საზრიანობას იხვეჭს.“   იგავნი  15:32

„შეისმინე რჩევა და მიიღე შეგონება, რათა საბოლოოდ დაბრძენდე.“   იგავნი  19:20

„კაცი, რომელიც მრავალი მხილებისას ქედს არ იდრეკს, უცაბედად განადგურდება და კურნება არ ექნება.“    იგავნი  29:1

 

10. ნუ ართმევთ დროს რეალობას: ინტერნეტი არ არის ღვთაება რომელსაც შეუძლია წაგართვათ ყველაფერი: სინდისი, დრო, ოჯახი, მეგობრები, სიცოცხლე.

თუ  პრიორიტეტებს არასწორად დავალაგებთ,   შედეგები, სულ მცირე დაგვამწუხრებს.

ალაგმეთ თქვენი სურვილები  ინტერნეტში, დააკვირდით დროს,  ნუ  აკლიკებთ  ყველა ბანერს: ყველა  გვერდს ვერ  ნახავ და  ყველა რეპლიკას ვერ უპასხუებ  –  ნუ ცხოვრობთ ონლაინით!  ცხოვრება გადის!   დაიწესეთ  თქვენი  ინტერნეტ  აქტივობებისთვის სიმშვიდის დღე (ინტერნეტ-შაბატ).

„არ გაიკეთო კერპები და არც რაიმე ხატი იმისა, რაც მაღლა ცაშია, რაც დაბლა მიწაზეა და რაც წყალშია, მიწის ქვემოთ.  თაყვანი არ სცე მათ და არც ემსახურო, რადგან მე ვარ უფალი, ღმერთი შენი, ეჭვიანი ღმერთი, რომელიც მამათა ცოდვას შვილებს მოვკითხავ, ჩემს მოძულეებს მესამე და მეოთხე თაობაში.“    გამოსვლა  20:4-5

 

P.S   ზემოთაღნიშნული  ათი  რეკომენდაცია   არ  წურავს ამ თემას,  ამ თემაზე მსჯელობის  გაგრძელება კიდევ შესაძლებელია.  ამიტომ  თქვენ შეგიძლიათ  გაბედულად  დაწეროთ თქვენი აზრები და წინადადებები, ინტერნეტში  მოქცევის ქრისტიანული  ეთიკის  შესახებ.

თარგმანი: დავით ასლანიანი
წყარო:  http://www.grehu.net/news/culture/28967

უფალი ბიბლიაში 10 გზას გვიჩვენებს. იმისთვის,  რომ  დავფიქრდეთ ვუსმენთ თუ არა მას, საჭიროა ვიცოდეთ ეს გზები. მსურს რამდენიმე მაგალითი  დაგანახოთ ბიბლიიდან, სადაც კარგადაა გადმოცემული ის, თუ როგორ ლაპარაკობს უფალი. გარდა იმის ცოდნისა, თუ რას ლაპარაკობს ღმერთი, აუცილებელია ვიცოდეთ,  რა გზებს იყენებს ის ამისთვის.

      1 .უფალი ჩვენთან სალაპარაკოდ იყენებს სხვადასხვა გარემოებებს.

უფალი იონას თავისი ხმით დაელაპარაკა, მაგრამ ვერ აღიქვა ეს ხმა. ამიტომ მან გადაწყვიტა, რომ დალაპარაკებოდა მას სხვადასხვა გარემოებებით. პირველად მაშინ, როდესაც შთანთქმულიყო დიდი თევზის მიერ და მეორედ, როდესაც აყილო (ვაზი)  გაიზარდა და მოუჩრდილა  მას, რომელიც მალევე გახმა (იონას წიგნი 1:4).

იმისათვის, რომ გავიგოთ უფლის ხმა, აუცილებელია ვიყოთ ყურადღებით. კარგი იქნება თუ თქვენს თავებს დაუსვამთ ამ 2 კითხვას:

1. რა ხდება ჩემს ცხოვრებაში?

2. რისი თქმა სურს უფალს ჩემთვის ამ გარეოებების მეშვეობით?

 

  2.უფალი ასევე ლაპარაკობს ბრძნული გამონათქვამებით.

ეს ყველაფერი იგავებშია ნაჩვენები. არ არის სწორი ჩვენს პასტორებს, მოძღვრებს ვეუბნებოდეთ, რომ მოუსმინონ უფლის ხმას და გვეუბნებოდნენ, თუ რას ამბობს ის ჩვენზე.პირიქით, სწორი ისაა, როდესაც ჩვენი ლოცვის შედეგად ვიგებთ ამაზე პასუხს.

 

3.უფალი ლაპარაკობს მშვიდობით.

(კოლოსელთა 3:15) – „ბატონობდეს თქვენს გულებში ღვთის მშვიდობა..“ სიტყვა „ბატონობა“ არ ნიშნავს უბრალოდ ყოფნას.ეს ნიშნავს მმართველობას და იმას, რომ იყო გადამწყვეტი ფაქტორი ცხოვრებაში.თუ ჩვენს გადაწყვეტილებებში ვერ ვგრძნობთ მშვიდობას.ესიგი, ეს ღმერთისგან არ არის.არ წახვიდე უფლის ნების წინააღმდეგ, რადგან ეს არაფერს გარგებს.

4.უფალი გველაპარაკება ადამიანების მეშვეობით.

ეს ფაქტი მთელს ბიბლიაშია გადმოცემული . ღმერთი იყენებს ბრძენ და მის მოყვარულ ადამიანებს, რათა მათი მეშვეობით ელაპარაკოს სხვებს.

 

5.უფალი ჩვენთან სალაპარაკოდ იყენებს სიზმრებს და ხედვებს.

ამის მაგალითები ნაჩვენებია:იოსების, სოლომონის, იაკობის, პეტრეს, იოანესა დაპავლეს ცხოვრებაში . ეს ჩვენს ცხოვრებაში შეიძლება მოხდეს.

(საქმეები 2:17; იოელი 2:28)
 

6.უფალი ლაპარაკობს ჩვენი ფიქრებით.

(ამოს 4:13) ამბობს, რომ უფალი გვამცნობს მის ხედვებს ჩვენი ფიქრების მეშვეობით.

მათეს 1:19-21 იოსებს უფალი ფიქრების მეშვეობით დაელაპარაკა, მაშინ როცა მისი ფიქრები სხვა რამეზე იყო მიმართული.აუცილებლად უნდა ვუკვირდებოდეთ ჩვენს ფიქრებს , რადგან ყველა აზრი უფლისგან არ მოდის.ეს შეიძლება ეშმაკისგანაც იყოს მოსული.ყოველთვის, როდესაც თავში რაიმე აზრი მოგვივა, უნდა განვსაჯოთ ღვთისგანაა ეს თუ არა და შეესაბამება თუ არა ეს უფლის ნებას ?
 

7.უფალი ლაპარაკობს ბუნებრივი გამომჟღავნებებით.

(რომაელთა 1:18-20) ამ მონაკვეთიდან ვიგებთ, რომ უფალს შეუძლია ბუნების მეშვეობით ლაპარაკი.უფლის ხმა შეიძლება გამომჟღავნდეს: მთებში, მდელოებში, ჩანჩქერებში, ხეებში და ა.შ (იოანეს 12:27-30)

„მამაო განადიდე შენი სახელი!“ და მოვიდა ზეციდან ხმა : „განვადიდე და კვლავ განვადიდებ“ იქ მდგომმა ხალხმა ამის გაგონებაზე თქვა: :ქუხილიაო.სხვებმა კი თქვეს :“ ანგელოზი ელაპარაკებოდაო“.არსებობ შანსი, რომ ეს დღესაც მოხდეს, მაშინ როდესაც ჩვენ გავიგებთ ქუხილის ხმას, ან სხვა რაიმე გამომჟღავნებას.ეს შეიძლება უფლის ხმაც იყოს.

 

8.უფალი ლაპარაკობს ზებუნებრივი გამომჟღავებებით.

უფალი ელაპარაკა მოსეს აალებული ბუჩქის მეშვეობით (გამ  3:1-4).ის ელაპარაკა გადეონს მატყლის საშუალებით (მსაჯ 6:37-40).“სავლეს გზად მიმავალს, რომელიც დამასკოს გზას უახლოვდებოდა, უეცრად მოეფინა ნათელი ციდან.“ (საქ 9:1-5)

ბალაამს კი სახედრის მეშვეობით (რიცხ 22:1-35).

 

9.უფალი ლაპარაკობს ბიბლიის მეშვეობით.

ბიბლია არის უფლის ხმა და ეს სიტყვები მის მიერაა შთაგონებული (2 თიმ 3:16).უფალს ბიბლიის მეშვეობით შეუძლია ამა თუ იმ სიტუაციიდან გვაპოვნინოს გამოსავალი, რადგან მისი სიტყვა ცოცხალი და მოქმედია.(ებრ 4 :12)

 

10.უფალი ლაპარაკობს შინაგანი ხმით.

უფალი ლაპარაკობს ჩუმად (ჩურჩულით ). ის ასე დაელაპარაკა ელიასაც (1 მეფ 19:12)

მთავარი ამ ყველაფრის შემდეგ ისაა, რომ გვჭირდება მისი ხმის მოსმენა (იერ 7:13) „მე კი გეუბნებოდით თქვენ განთიადიდან, გელაპარაკებოდით და  არ გესმოდათ , გიხმობდით და არ მპასუხობდით.“

რომაელთა 10:17 „ამრიგად, რწმენა-მოსმენისაგან, ხოლო მოსმენა-ქრისტეს სიტყვისგან.“ თუ ერთხელ მაინც შეხვედრილხარ ადამიანს , რომელსაც აქვს ძალიან დიდი რწმენა , იცოდე, რომ მას ბევრჯერ ექნება უფლის ხმა მოსმენილი და ეცოდინება ის, თუ როგორ უნდა ვუსმინოთ ღმერთს.

 

თარგმანი: მარიამ გოგიჩაშვილი
წყარო: http://www.crosswalk.com/faith/bible-study/10-powerful-ways-god-speaks-in-the-bible.html

 

04 გაკვეთილში, ჯონი და ლიზა ქმრისა და ცოლის ფუნქციებსა და ოჯახური ცხოვრების სწორად წარმართვაზე ლაპარაკობენ.

მესამე გაკვეთილში, ჯონი და ლიზა ქორწინებისთვის გემბანის გაწმენდასა და განსაკუთრებით, წყენის მიტევებაზე ლაპარაკობენ.

მეორე გაკვეთილში, ჯონი და ლიზა რთულ ცხოვრებისეულ პერიოდებში მიზნის ქონასა და ნებისმიერ სფეროში დასაწყისიდანვე დასასრულის ხედვაზე ლაპარაკობენ.