როდესაც ვსაჭიროებთ რჩევას, შთაგონრბას, ყურადღება უნდა გავამახვილოთ არა მხოლოდ მრჩეველის ცოდნასა და სიბრძნეზე, არამედ მასში არსებულ მოტივებზეც. უნდა ვუყუროთ, რა ხელმძღვანელობს ამ ადამიანს. თუკი მრჩეველის მოტივაცია არასწორია, იგი წინსვლის მაგიერ, ყოველთვის მიგვიყვანს მარცხამდე და გვექნება დანაკარგი.

რჩევა, მოცემული არასწორი მოტივით, არის – ახითოფელის რჩევა. შენთვის აუცილებელია გქონდეს რჩევათა გარჩევის უნარი.
აუცილებელია ვიცოდეთ რომელი სული იმყოფება ამა თუ იმ რჩევათა მიღმა, რათა თავიდან ავირიდოთ მოსალოდნელი პრობლემები. რატომ უწოდებენ არასწორი მოტივით მოცემულ რჩევას "ახითოფელეს რჩევას?"

საქმე იმაშია, რომ ახითოფელი იყო ბერსაბეს მამა და დავითის სიმამრი. მან ვერ შეძლო ეპატიებინა დავითისთვის მისი ცოდვა. მე არ ვცდილობ დავითის გამართლებას. მან შესცოდა. უფრო მეტიც, მის ცოდვას მრავალი ცუდი შედეგი მოჰყვა. ეს ცოდვა იქცა სიბინძურედ, რომელმაც წარმოშვა სიძვა, რასაც მოჰყვა მკვლელობა, შემდგომ ტყუილები და ცბიერება. დავითს როდი ეხება საქმე, არამედ შეურაცხყოფილ მამას, რომელმაც ნება დართო სატანას დაეთესა მის გულში უპატიებლობა და მწუხარება.
მაგრამ, მე ზუსტად ვიცი, რომ უპატიებლობას უფრო ცუდი შედეგი მოჰყვება ვიდრე უბრალოდ ურთიერთობის დანგრევა.

დავითისა და აბესალომის კონფლიქტისას, ახითოფელმა უკანასკნელის მხარე დაიჭირა. განაწყენებულ ადამიანს არ ძალუძს გამნაწყენებლის მხარეს ყოფნა, მაშინაც კი, როდესაც ეს უკანასკნელი მართალია. ის ყოველთვის დაიკავებს შურისმაძიებლის პოზიციას. როდესაც აბესალომი რჩევას საჭიროებდა, ქვეყნის მთავარმა მრჩეველმა სიხარულით დაეხმარა. მან მისცა რჩევა, რამაც ის სიძულვილამდე მიიყვანა. მან ეს გააკეთა არა იმიტომ, რომ აბესალომი უყვარდა, ახითოფელმა ეს გააკეთა რადგან, სძულდა დავითი.

ის ვნებდა თავისი რჩევებით, არა მხოლოდ მეფეს, არამედ, იმასაც, ვისაც ეხმარებოდა.
"ახითოფელის რჩევა " – ეს არის, როდესაც ვიღაც გაძლევთ რჩევას, არა იმიტომ რომ თქვენ უყვარხართ, არამედ იმიტომ, რომ თქვენი მოწინააღმდეგე სძულს. ახითოფელმა, აბესალომს დავითისადმი სიძულვილით განმსჭვალულმა მისცა რჩევა და არა, მისდამი სიყვარულით. მანამ, სანამ ვინმეს რჩევას სთხოვდეთ, ჯერ გაიგეთ, რა დამოკიდებულება აქვს მას იმ კონკრეტულ პიროვნებისადმი, ეკლესიისადმი ან იმ სფეროსადმი, სადაც შენ ჩავარდნა გაქვს.

თუკი მასში სიძულვილია, ან ნეგატიურად უდგება იმ კონკრეტულ სფეროს, მისი რჩევა დაგაზარალებს. ჩვენ გვახსოვს, რომ ახითოფელის რჩევის გამო აბესალომი სიცოცხლეს გამოეთხოვა. დავითს უყვარდა იგი და აპატია, მისი მკვლელი კი დასაჯა. მან დაკრძალა ის პატივით. თავად აბესალომმა საკუთარი თავის პატიებაც კი ვერ შეძლო. ჩადენილის გამო, მან ვერ შეძლო მოეკრიბა ძალები და თვალებში ჩაეხედა მამისთვის. ამიტომაც ამოშალა გეგმიდან მონანიება და შერიგება. ის ჯერ ომობდა, შემდგომ კი გაიქცა.

როდესაც გჭირდება რჩევა, ნუ მიხვალ იმასთან, ვინც წინასწარ გათვალისწინებულ რჩევას მოგცემს. ნუ იქნები უგუნური, ნუ იქნები ადამიანი, რომელიც თავისი გადაწყვეტილების გამართლებას ეძებს. აუცილებლად უნდა იცოდე, იმ ადამიანის მდგომარეობა და დამოკიდებულება, ვისთანაც რჩევის სათხოვნელად მიდიხარ. მაგრამ, პირველ რიგში, ყურადღება უნდა გაამახვილო მის შენდამი დამოკიდებულებაზე. თუკი ამ ადამიანს უყვარხარ, ზრუნავს შენზე, სიკეთე უნდა შენთვის და ილოცებს შენთვის, მოგცემს სწორ რჩევას ე.ი. ეს ის პიროვნებაა, რომელიც გჭირდება.      
ნუ მიხვალ "ახითოფელთან" რჩევისთვის, ის არ იფიქრებს შენს ინტერესებზე, ის უბრალოდ გამოგიყენებს შენ, რათა შური იძიოს "დავითზე."

 

თარგმანი:  ია  კარგარეთელი
წყარო: http://www.velychko.ru/2016/01/sovet-Ahitofela.html