სახარების რწმენის ეკლესიის საკვირაო სკოლასთან არსებულმა ბავშვთა მგალობელთა გუნდმა ,,ცისარტყელა” ერთკვირიანი საქველმოქმედო ტურნე გახსნა. ტურნეს ფარგლებში ისინი ესტუმრნენ შეზღუდული შესაძლებლობის ბავშვებს, სადაც განსაკუთრებული პროგრამით, ტკბილეულითა და საჩუქრებით წარსდგნენ. მათთან ერთად იმყოფებოდნენ ავსტრიელი მოზარდებიც, რომლებიც სპეციალურად ამ ღონისძიებებისთვის ესტუმრნენ საქართველოს. აღსანიშნავია, რომ ,, ცისარტყელა” -ს მიერ შესრულებული საგალობლები სასულიერო ქრისტიანული მუსიკის – გოსპელის ჟანრს განეკუთვნება. აღნიშნულ მგალობელთა გუნდს მსგავსი ფორმატის არაერთი აქტივობა აქვს განხორცილებული და მომავალშიც აქტიურად გეგმავს საქველმოქმედო საქმიანობის გაგრძელებას.

საქართველოს სახარების რწმენის ეკლესიასთან არსებულ ბიბლიურ კოლეჯში სასწავლო წელი განახლდა. ტრადიციულად 1998 წლიდან მოყოლებული სწავლა ოქტომბრისთვეში იწყება. უკვე მესამე წელია რაც სასწავლო პროცესი ორ ნაკადად დილისა და საღამოს საათებში მიმდინარეობს. წელს სტუდენტთა რაოდენობა კი 30 მდე კაცს ითვლის.