“გაიქეცი, პატარავ, გაიქეცი” – ნიკი კრუზის ცხოვრების ისტორიაა. ეს ღირსშესანიშნავი წიგნია. იგი შეიცავს ტრაგედიის, ძალადობის და ინტრიგის ყველა ელემენტს და ყველა სხვა კომპონენტთაგან უდიდესს იესო ქრისტეს სახარების ძალას. მისი პირველი თავები ბნელ და ცუდის მომასწავებელ ფონს ქმნის ამ უჩვეულო ისტორიის ამაღელვებელი დასასრულისთვის.
ნიკი კრუზი, ეს ახალგაზრდა კაცი დღეს აშშ-ის ახალგაზ- რდობის მნიშვნელოვან ნაწილზე ახდენს ზეგავლენას. ქვეყნის უფროსი ასაკის მოსახლეობას უკვე აღარ ძალუძს იგნორირება გაუკეთოს ახალგაზრდა თაობას და მარცხს, რომელსაც ისინი მეოცე საუკუნის პრობლემების წინაშე განიცდიან. ახალგაზ- რდები ცხოვრების აზრს ეძებენ. დრომოჭმული ჩვენი სოციალ- ური ტაბუ მათ არ იზიდავს. ისინი ჭეშმარიტებას ითხოვენ რელიგიაში, სიწრფელეს პოლიტიკაში და საყოველთაო სამარ- თლიანობას. იმედის მომცემი კი ამ მილიონობით “ახალი სი- ცოცხლის” შესახებ (რომელთა რაოდენობა 1970 წლისთვის ზრდასრული მოსახლეობის რიცხვს გადააჭარბებს), მათი და- ჟინებული ძიებაა პასუხების მისაღებად. ჩვენი უნივერსიტეტის ასობით სტუდენტთან შეხვედრისას ჩემზე უდიდეს შთაბეჭ- დილებას ახდენს მათი წყურვილი ჭეშმარიტების, სიმართლისა და წრფელი პასუხების მიმართ.
ჩვენს გეტოებში მცხოვრები ახალგაზრდათა ნაწილი დაუღალავად მოითხოვს სამართლიანობას საზოგადოების მხრიდან და ისინი მართლებიც არიან. ზოგიერთი მათგანი ძალადობის მესვეურთა და ბრბოს მართველობის ზეგავლენის ქვეშ ექცე- ვა, ამიტომ ვანდალიზმისა და ძარცვის მორევშიც ადვილად ინთქმება. ნიკი კრუზი ბრწყინვალე მაგალითია იმისა, რომ დაუდგრომელ ახალგაზრდობას შეუძლია არსებობის არსი და მიზანი ქრისტეში ჰპოვოს.
ჩვენს მიერ მოწყობილ შეხვედრებზე დამსწრეთა თითქმის ნახევარი ასაკით ოცდახუთ წელს ქვემოთაა. ისინი გასართობად არ მოდიან, არამედ მათ ჭეშმარიტებისა და მიზნის ძიების სურვილი ამოძრავებთ და ასობით მათგანი იესოს ძახილს გულწრფელად ეხმაურება.
“გაიქეცი, პატარავ, გაიქეცი” _ ამაღელვებელი ისტორიაა! ვიმედოვნებ, ამ წიგნს უამრავი მკითხველი ეყოლება და ისი- ნი, ვინც მას წაიკითხავენ, იმ ქრისტეს შეიცნობენ, რომელმაც ნიკი კრუზის დაცარიელებული, ამბოხებული გულის შეცვლა შეძლო და იგი მისი დროის ქრისტიანულ ლეგენდად აქცია.
